Tung pơkoăng o\ng mế dêi mơngế Rơđế, rêm rơpo\ng athế rah xo môi ngế, cho Tăm, ối tối cho ngế ki râng ko. Tăm ki mê kô teăng mâ ăm rơpo\ng hngêi vâ tơku\m po mâu tơdroăng ki vâ mơjiâng chiâng on veăng [ă tung plâ mâu roh ki pêi cheăng rêh kâ ối kơ’nâi mê ah. Ngế Tăm peăng kơdrâi cho ngế ki châ ngăn ai hnoăng cheăng ki kân, tơkéa xuân vâ tối môi tiah nôu pâ dêi prế on veăng ki nếo mê, tơpui tơno [ă tơleăng tu\m tơdroăng kân kuăn pơla péa pâ vâi krâ dêi 2 ngế on veăng. Jâ Âp, ối a cheăm Ea Tul, tơring }ư\ Mgar, kong pơlê Dak Lak tối ăm ‘nâi:

‘’Sap ing roh ton vâi krâ nah, môi tiah hngêi athế ai trăng, Tăm cho mâu ngế ki teăng mâ ăm rơpo\ng hngêi peăng vâi krâ kơdrâi lăm troh a hngêi dêi vâi krâ peăng kơnốu vâ tơpui tơno, vâ tăng dôh ăm dêi muăn tơná. Tâng prế on veăng ki mê hiăng vâ môi tuăn, mơjo pâ dêi pó păng ‘nâng, vâi krâ péa pâ ko séa ngăn vâ kum ăm prế chiâng phep xo dêi pó’’.

Pôa Vui, inâi cho Y Soat Êban, Krâ pơlê Puôr, cheăm Hòa Đông, tơring Krông Păch, kong pơlê Dak Lak tối ăm ‘nâi, hiăng tro hơnăm xông droh rơtăm kêi, tâng vâ ngế dôh ki lâi, mê kuăn droh kô lăm tối tơdroăng mê ăm dêi Tăm [ă nôu pâ lăm troh a hngêi peăng kơnốu xuân môi tuăn [ă tơdroăng ki mơjiâng tơxêo, klêi mê, kuăn droh nếo chiâng phep lăm troh peăng hngêi kơnốu diâp mâ xâng ko\ng. Pôa Vui tối ăm ‘nâi:

‘’Klêi kơ’nâi hiăng diâp mâ xâng ko\ng, Tăm peăng kơnốu ai tối: ‘’Kố cho mâ xâng ko\ng ăm prế kuăn chiâng o\ng mế’’, ‘’Kơpôu ro ôh tá ai kơbố toi kơxái/droh rơtăm ôh tá ai kơbố pơklât xo dêi pó/Tâng hiăng vâ dêi pó prế kô xo râng mâ xâng ko\ng kố’’. Klêi mê, ngế rơtăm [ă ngế droh rơtế hnhó dêi ko\ng a mâ xâng ko\ng, Tăm peăng hngêi kơdrâi kô rơkâu xối Xeăng. Tơdroăng ki diâp mâ xâng ko\ng tơkéa vâ tối cho mơhno tối péa pâ ai tơkêa dêi pó vâ mơjiâng chiâng on veăng, mơjo pâ dêi pó khât. Ki vâ tối trâu rơdâ dêi túa hnhó mâ xâng ko\ng vâ mơjiâng on veăng mê cho vâ mơhno tối ăm khu xeăng, rơpo\ng hngêi [ă pơlê pơla ‘nâi nhên, prế droh rơtăm ki mê kô chiâng on veăng, kơdrâi kơnốu’’.

Klêi kơ’nâi diâp mâ xâng ko\ng, ngế Tăm peăng hngêi kơnốu kô tối mâu tơmeăm ki vâ pleăng, pơtâng ăm peăng hngêi kơdrâi athế lăm ăm, môi tiah: peăng ngế droh athế pro mế ai 3 hơnăm, pleăng ăm nôu peăng ngế kơnốu 1 to ro, pleăng ăm pâ peăng ngế kơnốu 1 to chu, pleăng ăm mâu nâ o tung rơpo\ng dêi kơnốu môi to chu lơ 1 to í, ăm Tăm peăng ngế kơnốu chu lơ liăn ngân [ă hên mâu tơdroăng ki ê. Peăng hngêi kơnốu xuân athế xo môi to chông, mơnge\n mo\ng [ă hlái, vó. Drêng hiăng ai tu\m mâu kế tơmeăm ki mê, Tăm dêi peăng ngế kơdrâi, Tăm dêi peăng ngế kơnốu trâm dêi pó vâ tơpui tơno [ă môi tuăn mâu tơdroăng tơkêa ki nếo vâ hbrâ mâu tơdroăng ki lơ ai drêng prế péa ngế rơtế rêh ối tung môi toăng hngêi. Kố cho roh ki mơd^ng ki kal khât, ai tơdroăng hơdruê xuâng plâ hâi plâ măng.

Nốkố, tơlá ki pơkal thế pleăng tơmeăm dêi hdroâng Rơđế ga ôh tá xê hên tiah mê, bu vâ mơhno tối pơtih tê, tơtro [ă tơdroăng ki ai dêi rơpo\ng hngêi, ki xiâm cho vâ kum ăm prế on veăng ôh tá tro che\n liăn ngân, kế tơmeăm, tơniăn hlâu vâ khoh mơjiâng tơdroăng rêh ối krê xêh. Pôa Na, inâi khât cho Y Kuk Hwing, ối a pơlê Tu, cheăm Ea Tul, tơring }ư\ Mgar, kong pơlê Dak Lak tối ăm ‘nâi:

‘’Khôi túa, vêa vong tung tơxêo, mơjiâng o\ng mế ôh tá xê ối rak vế túa vâi krâ nah, môi tiah pơkal thế ăm kơpôu ro, chêng koăng, vó xiâm môi tiah hdrối nah xếo. Dế nôkố, ôh pá ai pơkâ thế pêi pro mâu tơdroăng ki mê hdrối vâ mơjiâng o\ng mế. Tơdroăng ki ối rak vế troh nôkố, mê cho tơdroăng ki hnê tối dêi vâi krâ péa pâ, malối cho ngế Tăm ăm prế on veăng ki nếo tung túa hnê tối kuăn ‘ne\ng, tung rêh ối, cheăng kâ athế ‘nâi hơ-ui pâ dêi pó hên tâ, ôh tá lôi dêi pó. Mâu tơdroăng ki tro mê kal athế rak vế troh a hâi kố’’.

Tung mơd^ng pơkoăng o\ng mế dêi mơngế Rơđế, ôh tá păng lôi tơdroăng ki xối xeăng vâ pâ xeăng kum ăm prế on veăng nếo trâm tơdroăng po mơhúa. Klêi kơ’nâi rơkâu ivá ăm nôu pâ mê kô rơkâu ăm prế on veăng ki nếo. Peăng hngêi kơdrâi kô têk dêi 2 mo\ng drôu xiâm [ă 3 to mâ xâng ko\ng vâ diâp ăm ngế dôh, Miê [ă ngoh o xiâm dêi ngế dôh. Peăng hngêi kơdrâi xuân tơvêh ai 3 mo\ng drôu [ă 3 to mâ xâng ko\ng ăm ngế mế, miê [ă ngoh xiâm dêi ngế mế.

Klêi hiăng pro tâi tâng mâu tơdroăng ki mê, rêm ngế kô rơtế ôu kâ hơniâp ro. Prế miê péa pâ têk drôu ăm ngế mế [ă ngế dôh ôu. Prế o\ng mế ki nếo mê rơtế dêi pó ôu tâi drôu tung mo\ng [ă tơmâng mâu tơdroăng hnê tối dêi nôu pâ [ă mâu hdroâng hdrê ing péa pâ hnê tối. Prế o\ng mế ki nếo mê athế ôu ôh tá ăm drôu tro tơ-ok pá kong, Mê cho tơdroăng ki ôh tá khoh. Tơmối troh ôu kâ pơkoăng mê, vâi pơrá prôk tâ tá a ngiâ on veăng hơnăm ối nếo [ă bruô kế tơmeăm, hnối rơkâu kơ prế o\ng mế ki nếo.

Tăm peăng ngế kơdrâi hnê pơchân tối prế on veăng mê athế rêh kâ ối [ă dêi tá troh hlâ ah, athế pêi pro dêi hnoăng cheăng tơná i tơtro. Mâu rơkong hơdruê hnê tối tiah kố ‘’Hiăng xo mế athế ối [ă dêi kơdrâi troh hlâ; hiăng râng triăng athế hrik ôu drôu tá troh xiâ; hiăng to\n koăng mê athế to\n tá troh drêng ai mơngế xo vâ pơtối to\n’’.

H’Za Wut chêh

Nhat Lisa tơplôu [ă tơbleăng