VOV4.Sêdang - Sap hơnăm 2014 troh nôkố, a kong pơlê Gia Lai hiăng ai tíu ki păn ro ki hên, kơdroăng kân rơdâ păn ing rơpâu troh chât rơpâu to ro. Kố cho tơdroăng ki tơ-[rê tung păn ro a kong pơlê, rôh apoăng hlo ai tơ-[rê khât. La pá ro\ng ki châ pơxúa tung cheăng kâ, tơdroăng ki pro ‘mêi hyôh kong prâi ing mâu kơdroăng păn ro hlo hên tơdroăng ki tơdjâk ‘mêi troh rêh ối dêi kuăn pơlê. Công Bắc, Ngế chêh hlá tơbeăng dêi Rơ’jiu Việt Nam kơpong Tây Nguyên ai chêh  tối ‘na tơdroăng mê.

  Kuăn pơlê a thôn 1, 2 [a\ 3, cheăm Thành An, pơlê kong krâm An Khê mâu hâi kố rêh ối tung hyôh ‘mêi ‘mâk, xua xú u\m têa mơ’no ing kơdrum păn ro dêi ko\ng ti tơlo liăn cheăng păn mơnăn mơnoâ Gia Lai. Pôa Nguyễn Hữu Quang, ai 3 hectar [a\ng tơnêi păn ká, pêt kế tơmeăm khoăng tu\m túa, prá alâi plâi pôm a thôn 3 cheăm Thành An, tối ăm ‘nâi, têa ‘mêi mơ’no ing kơdrum păn ro, mơ’no lo pá gong, hiu tiô troăng hno têa troh a têa kroăng Pa. Kơdrum dêi pôa Quang ối achê kơdrum păn ro xua mê, cho ngế tro xú ‘mêi ó. Klôh ká dâng 3 sao ôh tá ai ká ki lâi kâi rêh, [a\ng klâng pêt báu dêi rơpo\ng xuân tro lu\p vâ chê tơdế. Pôa Quang tối: Ká trăm, ká me, ká trôi, ká rô phi nếo ga hiăng hlâ tâi tâng. Eâk ro pro ‘mêi, nôkố báu poê hvât tah tâi tâng. Tối tơchuôm, báu tro eâk ro hên lối râ, báu chiâng tro kơ-o\ng, kâ ôh tá lo\n, tê ôh tá ai kơbố vâ roê. Peăng hdroh kố vâi tro lu\p hên tâ. Xua vâi tá hâi ai tíu ki vâ pro mơgrúa eâk ro, kong mêi têa hiu, eâk ro hiu troh a têa kroăng Pa.

Têa kroăng Pa xiâ [a\ prăng rơmon xua tro ‘mêi

Pôa Nguyễn Duy Hưng, kăn pho\ hnê ngăn Vi[an cheăm Thành An, pơlê kong krâm An Khê tối ăm ‘nâi, kơdroăng păn ro dêi Ko\ng ti tơlo liăn cheăng păn mơnăn mơnoâ Gia Lai châ Vi[an kong pơlê ăm mơ-éa phêp, pơxiâm mơ’no liăn mơjiâng pro sap hơnăm 2014 [a\ troh khế 3 hơnăm 2015 mê hiăng pơxiâm păn ro. Kơdrum păn ro kố kân rơdâ 70 hectar [a\ dế păn dâng 7 rơpâu 500 to ro hơ’nêh. Sap ing kơdrum kố hiăng păn ro, hiăng ai hên tơdroăng ki ôh tá tơniăn, ki má lối, pro ‘mêi kong prâi, tơdjâk kân troh tơdroăng rêh ối dêi kuăn pơlê. Rối ngiât rế hía rế hên [a\ hên rơpo\ng rêh ối achê kơdrum păn ro, hnhâng kơmung nếo chiâng vâ kâ hmê, xua hên rối. Kuăn pơlê [a\ khu râ kăn pơkuâ cheăm hiăng hên xôh pâ thế mâu khu râ kăn, laga troh nôkố tơdroăng pro ‘mêi kong prâi tá hâi châ kum. Pôa Nguyễn Duy Hưng, tối: Ki nhên khât, drêng hiăng păn ro mê ăm pro ‘mêi kong prâi ó khât. Vâi ôh tá mơjiâng tíu mơgrúa eâk ro, mê mơ’no lo pá kong, xua mê ga hiu troh a têa kroăng, hiu a tơnêi dêi kuăn pơlê, klêi mê hiu a têa kroăng. Xua mê kơnho\ng têa kroăng Pa nôkố tro ‘mêi ó.

Têa ki ‘mêi ing kơdroăng păn ro hiu troh a têa kroăng Pa

Tơdroăng mơ’no têa ‘mêi lo pá gong kong prâi dêi kơdroăng păn ro dêi Ko\ng ti tơlo liăn cheăng păn mơnăn mơnoâ Gia Lai a pơlê kong krâm An Khê, rế pro kơnho\ng têa tro ‘mêi, têa ‘mêi hiu troh a têa kroăng Pa. Rơpâu rơpo\ng rêh ối drô têa kroăng Pa, sap ing pơlê kong krâm An Khê vêh peăng hdroh têa tro ‘mêi ó. Tơdroăng kố hlo nhên tung mâu hâi kố nah drêng kơnho\ng têa dêi hngêi kơmăi hrik chuâ têa krúa An Khê xo ing têa kroăng Pa tro ‘mêi ó, têa prăng rơmon [a\ xú khêi. Pôa Đỗ Tuấn Diệp, kăn pơkuâ hngêi kơmăi têa An Khê tối: Séa ngăn apoăng khế 10, mê hngêi kơmăi châ hlo kơnho\ng têa ai mơngiơk prăng rơmon [a\ xú khêi. Drêng mê, hngêi kơmăi pơkâ thế pơtê chuâ têa ăm kuăn pơlê, xua têa ôh tá krúa le\m. Ôh tá mơ’no têa cho tơ’lêi hlâu, laga ai troh 2 rơpâu 300 rơpo\ng xúa têa. Mâu rơpo\ng ai klôh têa mê vâi hnêng têa klôh vâ xúa, vâi ôh tá tơpui ki klâi, [a\ mâu rơpo\ng ki ôh tá ai têa klôh cho pá khât.

Ki tơtro\ng má môi ôh tá xê to kơdrum păn ro dêi ko\ng ti tơlo liăn cheăng păn mơnăn mơnoâ Gia Lai a pơlê kong krâm An Khê pro ‘mêi kong prâi, hên kơdrum păn ro ki ê dêi ko\ng ti kố tung kong pơlê Gia Lai xuân pro ‘mêi kong prâi. Ki má lối cho a tơring ‘Mang Yang, tíu ki ai 3 kơdrum păn ro dêi ko\ng ti kố, châ tối cho kân má môi lâp tơnêi têa, pơrá pro ‘mêi kong prâi, tơdjâk troh mâu rơpo\ng rêh ối tâ tá. Pôa Võ Lê Xuân Thiện, kăn pơkuâ [ơrô ‘na kế tơmeăm khoăng tung têa tung tơnêi [a\ kong prâi ‘Mang Yang tối ăm ‘nâi: Ko\ng ti tơlo liăn cheăng păn mơnăn mơnoâ Gia Lai dế po rơdâ mâu tơdroăng tơkêa pro păn ro xo hơ’nêh, ro xo têa tôu tung kong pơlê. Păn hên ro, xua mê ai tơdroăng pro ‘mêi kong prâi, ki rơhêng vâ tối a rơnó mêi. Ko\ng ti xuân hiăng ai tơkêa [a\ tơring kô tơleăng tơtro má môi, ôh tá ăm tơdjâk troh kong prâi xuân môi tiah tơdroăng rêh ối [a\ cheăng kâ dêi kuăn pơlê.

Kơdroăng păn ro dêi Ko\ng ti tơlo liăn cheăng păn mơnăn mơnoâ Gia Lai a tơring ‘Mang Yang.

Pôa Lê Đình Vũ, kăn pơkuâ Ko\ng ti tơlo liăn cheăng păn mơnăn mơnoâ Gia Lai tối, a mâu kơdrum păn ro dêi Ko\ng ti pro ‘mêi kong prâi [a\ pro tro lu\p prá alâi plâi pôm, klôh ká dêi kuăn pơlê. {a\ mâu kơdrum păn ro a tơring ‘Mang Yang, tơdroăng mơ’no têa ‘mêi tung kơdrum loăng plâi dêi mâu rơpo\ng, cho tơdroăng ki ôh tá tơniăn kân, têa mê hiu mot tung klôh mơgrúa têa ‘mêi lối hên, mê chiâng pêng plế lo pá kong. Akố, peăng Ko\ng ti hiăng hbrâ tơru\m [a\ kong pơlê vâ tơleăng, tơleăng tâi tâng tơdroăng pro ‘mêi kong prâi xuân môi tiah chêl thiăn ăm kuăn pơlê tu\m, tơtro. {a\ mâu kơdrum păn ro a pơlê kong krâm An Khê, Ko\ng ti xuân hiăng tơleăng mâu tơdroăng ki pro ‘mêi kong prâi, laga nôkố ối tơvâ tơvân xua tơbleăng tối ‘na tơdjâk troh kong prâi tá hâi châ k^. Ko\ng ti tá hâi po rơdâ mơjiâng mâu tíu vâ mơgrúa têa ‘mêi. Pôa Vũ xuân ăm ‘nâi, Ko\ng ti ôh tá mơ’no eâk ro lo pá kong, xua phon kố pơxúa tung pêi cheăng kâ, vâ rơvât hdrê loăng plâi. Tơdroăng têa ‘mêi ing kơdrum păn ro lo pá gong cho tơdroăng ôh tá tơniăn khât. Pôa Lê Đình Vũ, tối: A An Khê mê tơdroăng mơjiâng pro tơdroăng tơkêa pro cho re\ng, xua mê ôh tá teăm pro mâu mơ-éa. A An Khê tối ‘na ki pro ‘mêi kong prâi, mê to lâi hâi nếo vâ kêi. Drêng tối ‘na tơdroăng pro ‘mêi kong prâi, mê kong pơlê kô pơkâ pin pêi pro mâu kế tơmeăm khoăng ki tâi ki tá [a\ hía hé, ing mê pêi tiô pơkâ. Tung tơdroăng kố, pea\ng Ko\ng ti xuân xôi, hiăng pêi cheăng [a\ Khu pơkuâ ngăn kế tơmeăm khoăng [a\ kong prâi pêi pro re\ng tơdroăng kố, vâ ko\ng ti mơjiâng klôh mơgrúa têa ‘mêi, troăng mơ’no têa [a\ hía hé. Nôkố ko\ng ti hiăng hnê mơhno chiâ klôh, tíu mơgrúa têa, tíu vâ mơ’no têa.

            Ko\ng ti tơlo liăn cheăng păn mơnăn mơnoâ Gia Lai cho ko\ng ti kuăn ối tung Grup pơkuâ Hoàng Anh Gia Lai. Ko\ng ti kố nôkố dế păn 60 rơpâu to ro đâi [a\ ro xo têa tôu a 5 tíu păn ro a mâu tơring ‘Mang Yang, Ia Pa [a\ pơlê kong krâm An Khê dêi kong pơlê Gia Lai. Tơdroăng mâu kơdrum păn ro kố pro ‘mêi kong prâi cho ai khât. Kố cho rơkong tơbleăng tối ‘na tơdroăng mơnhông mơdêk re\ng túa păn ro hên, tá hâi tơtro\ng troh mơgrúa têa ‘mêi, pro ‘mêi kong prâi, tơdjâk troh tơdroăng rêh ối kuăn pơlê.

A Sa Ly tơplôu [a\ tơbleăng