VOV4.Sêdang - Ô vâi krâ nho\ng o [ă pú hmâ! Cho cheăm ối kơpong tíu tơkăng kong, ai vâ châ tơdế pơ’leăng mâ cho hdrông kuăn ngo Stiêng, Lộc Hòa hdrối nah cho môi tung mâu cheăm kơtiê má môi dêi kong pơlê Bình Phước. Klêi kơ’nâi 4 hnăm pêi pro tiu tơdroăng pơkâ tơnêi têa ‘na mơjiâng thôn pơlê rêh ối cheăng kâ tiu túa nếo, Lộc Hòa dế ối mơ-eăm vâ chiâng cheăm ki djâ troăng ahdrối tung mơnhông mơdêk cheăng kâ rêh ối dêi tơring Lộc Ninh. Drêng vâ chê mot hnăm nếo, pó vâi krâ nho\ng o rơtế trôh a Lộc Hòa vâ hlo tơdroăng ki hơ’lêh khât a cheăm tơkăng kong peăng mâ hâi lu pá hdroh dêi tơnêi têa ho\ng [ai chêh dêi Thành Trung, ngế chêh hla tơbeăng cheăng tung Rơ’jiu Việt Nam a pơlê kong kân Hồ Chí Minh ai mơnhên ‘na tơdroăng mê.

Têt hnăm kố, kuăn pơlê a kơtâo 8B, cheăm Lộc Hòa, tơring Lộc Ninh, kong pơlê Bình Phước sôk ro khât xua hiăng ai troăng [ê tông kân rơdâ 3 met, xo\n 400 met [ă kơxo# liăn ‘no pro lối 1 rơtal liăn hiăng pro klêi. Kố cho troăng tung kơtâu ki apoăng dêi cheăm Lộc Hòa xua kuăn pơlê veăng rơlo liăn, tơmeăm, hâi pêi cheăng vâ pro troăng. Kố cho vâ mơhno ki tơru\m môi tuăn, rơtế [ă tơdroăng kơdôu mơ-eăm dêi mâu kăn [o# [ă kuăn pơlê a tíu kố. {ă mâu hdrông kuăn ngo akố ngăn troăng mơtiah vâi dế koi pốu, xua plâ to lâi rơxông kố, kuăn pơlê prôk to a troăng ki ‘mêi kong mêi trâp hliâk, kong tô to kơtâk. Pôa Điểu Wem, mơngế kuăn ngo Stiêng ối a kơtâo 8B, cheăm Lộc Hòa hâk ro, phiu niu tối: Kuăn pơlê ngin ai hnoăng, veăng ‘no liăn rôe rơxế gu, kơtâk troăng ăm i lăng, [ă ok [ê tông. Ai troăng prôk le#m kuăn pơlê hâk ro tơdah rơnó hơngui tơ’lêi tung prôk lăm.

Rơnó hơngui kố Lộc Hòa châ xo dêi hên kế tơmeăm pêi lo, mâu tơmeăm mê mơtiah tiu, plâi hôt, kơphế xun ai yă, kuăn pơlê tíu kố dế tơdah têt tơtô tâ hnăm hdrối. Mâu kơdrum loăng kơxu ngiât le#m, mâu [ăng klâng báu tum tr^ng, mâu kơdrum plâi kơtốu tơgrut dế hơ’lêh ngiâ méa dêi môi kơpong tơnêi kơtiê xahpá hnăm ki mê nah. Pak^ng on kôh blông blông, mâu hdrông kuăn ngo a cheăm Lộc Hòa rơtế [ă dêi pó tơdah kơmăng lo hơnăm nếo tâng idrâp chêng chuât xơtó.

{ă pôa Nguyễn Văn Miện, môi ngế lêng hdrối nah hiăng hmâ lăm tơplâ, rơnó hơngui hnăm kố pro ăm pôa tâ rơrêk tung hiâm mơno. {ă 3 ha tiu, kơxu, hnăm hiăng hluâ, rơpo\ng pôa Miện hiăng châ xo lối 200 rơtuh liăn [ă chiâng rơpo\ng kro mơdro\ng dêi cheăm. Pôa sôk ro xua a kơpong tơnêi tíu tơkăng kong kố dế chôa hơ’lêh rêm hâi [ă hlo to mơngiơk ngiât lâp lu: Á tơdah têt rôh kố cho rôh má 16 a tơnêi Lộc Hòa. Mâu kơmăng tơkôm lo hnăm nếo, cheăm đi đo tơku\m to\n chêng tơgôu koăng, prâu on, rơhdruê xuâng tơdah têt. Tá mâu kăn [o#, khu pơkuâ cheăng xun tơdah kơmăng lo hnăm nếo [ă kuăn pơlê. Tơdroăng pêi pro kố ai pơxúa khât a chơ phut tâi hnăm ton lo hnăm nếo tơtô le#m, malối [ă mâu hdrông kuăn ngo Stiêng ki ối akố. A xun tâ xôk ro păng ‘nâng.

Lộc Hòa cho cheăm hơngế hơngo kơtiê xahpá, kơnôm tơngah hên ing tơdroăng kơxo# 135 dêi Chin phuh to\ng kum. {ă tơnêi 5 rơpâu 100 ha, la kuăn pơlê bố ối lối 5 rơpâu ngế. Tung mê, ai vâ chê 50% cho hdrông kuăn ngo, ki hên cho mơngế Stiêng. Hnăm 2011, Lộc Hòa pơxiâm pro tơdroăng pơkâ tơnêi têa ‘na mơjiâng thôn pơlê rêh ối cheăng kâ tiu túa nếo rôh pơxiâm iâ 2 tơdroăng pơkâ ki hiăng ai hlâu. Tiah mê, bu kơ’nâi 4 hnăm pro tơdroăng kố, Lộc Hòa hiăng mơnhông tơ-[rê ‘na cheăng kâ rêh ối. Ing tơdroăng to\ng kum dêi khu râ pơkuâ cheăng lối hr^ng rơpo\ng mâu hdrông kuăn ngo hiăng khên mung liăn dêi hngêi rak liăn vâ rôe pêt mâu hdrê loăng plâi ki tê lo liăn. Cheăm Lộc Hòa nôkố ai 1 rơpâu 150 ha kơxu, vâ chê 200 ha tiu, 142 ha loăng plâi hôt, vâ chê 30 ha kơphế [ă lối 50 ha loăng plâi kâ. Pak^ng mê, cheăm xun pơtối rak vế tơnêi pêt báu klâng lối 500 ha. Kơnôm ing mê, hr^ng rơpo\ng hiăng chiâng kro mơdro\ng. Lâp tung cheăm ối lối 8% rơpo\ng kơtiê. Pôa Hoàng Nhật Tân, kăn pho\ hnê ngăn Vi[an tơring Lộc Ninh ăm ‘nâi: Hnăm kố, kuăn pơlê tơdah têt a pơlê xiâm tơná [ă hên tơdroăng ki hơ’lêh, malối a kơpong tíu tơkăng kong, mê cho troăng prôk, ‘na mâu tơmeăm khoăng mơjiâng pro. Tâi tâng mê tơku\m tơdah rơnó hơngui a tíu tơkăng kong rơthăm rế le#m tâ [ă mâu ngế rêh a tíu tơkăng kong, rơthăm rế loi tơngah khât kơ Đảng.

Trôh a Lộc Hòa hâi kố, hlo ngiât to loăng kơxu hiăng kân hding klôh [om. Mâu hngêi nếo mơjiâng pro, mâu troăng kân bê tông krúa le#m. Tâi tâng vâi ‘ne#ng dêi cheăm xun châ lăm hriâm a hngêi trung ki le#m. Lối 85% kơxo# rơpo\ng kuăn pơlê tung cheăm hiăng ai on tơhrik xúa bâ eăng, hiăng ai têa krúa vâ ôu kâ hum roh jíu. Nôkố, cheăm ai 2 to hngêi kuăn pơlê tơku\m hôp. Ki rơhêng vâ tối, Lộc Hòa ai 12 km troăng tíu tơkăng kong achê [ă kong têa Miâng, la tơdroăng kring vế akố đi đo tơniăn. Kuăn pơlê ‘nâi hbrâ rơnáo xêh ‘na hnoăng cheăng kring vế tơniăn pơlê pơla, cheăm bêng tơná. Rơnó hơngui dế vâ chê troh a tơnêi Lộc Hòa, hlo to báu tum tr^ng lâp [ăng klâng, mơhno tơdroăng rêh ối dêi kuăn pơlê akố kô plâi tơtô. Tơdroăng rêh ối ai hmê kâ phâi [ă hiâm tuăn chân krá, môi hiâm môi mơno tiu Đảng,  mâu hdrông kuăn ngo a cheăm tíu tơkăng kong Lộc Hòa xun dế veăng ‘no hnoăng kring vế tíu tơkăng kong dêi tơnêi têa. 

Gương tơplôu