VOV4.Sêdang - A Đà Lạt, kong pơlê Lâm Đồng, drêng ai rơnôa chu lâm a kơmăng kong hngiú, mơngế prôk drô kơpho# rế iâ ngế, ai môi péa tíu po tê mơdró, hơtô, hên mơngế troh amê. Mê cho kơchô kơmăng Đà Lạt, Tuấn Long, ngế chêh hla tơbeăng hiăng troh a tíu ai hên mơngế a kơchô ki mê, chêh tối mâu tơdroăng [ă pơtroh pá pó vâi krâ nho\ng o vâ ‘nâi ‘na tơdroăng tơná hlo, tâ, tơmiât, xuân môi tiah mâu tơmối ki troh a kơchô kơmăng dêi kơpong kong ngo kố.

          Tiô troăng xiâm mot a tíu xiâm pơlê kong kơdrâm, tơkâ hluâ kông dêi long têa Xuân Hương [a\ troăng Nguyễn Thị Minh Khai to on tơhrik mơngiơk le\m mơnâ mâ ngăn trâ eăng a ngiâ tơmối, cho kơdrâm kơdre\ng mơngế tơmối troh xah ơm hêi a kơchơ tê mơdró kơmăng Đà Lạt. A kố ôh tá hlo ngế ki prôk môi ngế xêh. Ki hên cho prôk péa ngế, râng ko\ng dêi pó, mâu khu pú hmâ ki hên, vâi djâ dêi pó prôk kơdrâm châ 7 ngế. Vâi ti tăng roê ếo ki teăn, reăng ki pơxiâm hnêi, kơchâi drêh, plâi kâ [a\ hía hé, lơ kâ mâu kế kâ ki tê a kơmăng, kế tơmeăm khoăng ki lâi dêi Đà Lạt xuân le\m mơnâ mâ ngăn, kơhiêm. Nâ Hà Diễm My, ối a pơlê kân Thủ Đức, pơlê kong kân Hồ Chí Minh rơtế rơpo\ng lăm ơm hyô tung mâu hâi mơ’nui măng t^ng tối ăm ‘nâi: Rêm roh lăm xah hêi sôk ro khât, lăm kơchơ ki tê mơdró a kơmăng, gá ai hên kế tơmeăm khoăng ki tơviah dêi Đà Lạt, mê á roê kế tơmeăm khoăng vâ tơbâ, chôu vế kế tơmeăm khoăng ki teăn, cho le\m mơnâ mâ ngăn. Klêi mê roê kơchâi, plâi pôm vâ diâp ăm nho\ng o, kơchâi plâi kâ môi tiah: Rơpê, ka-rôt [a\ pôm [ok, mâu kế tơmeăm khoăng ki hên, yă rơpâ, kơhiêm, hên h^n khât tâng pơchông [a\ pơlê kong kân Hồ Chí Minh.

Rơpâu ngế lăm hêi a kơchơ tê mơdró Đà Lạt

            {a\ ngoh Phạm Bích Duy, ối a pơlê krâm Bình Thạnh, pơlê kong kân Hồ Chí Minh, tối: A troh ơm hêi a kố roh má 4, rêm roh troh cho tâ a kố ro rih, ai tê hmân ếo, muâk ki teăn, chêng xêt, tơmeăm ki krâ khuă, rêm roh to a kố mê a roê. Pak^ng kế tơmeăm khoăng vâ tơbâ, chôu vế, ngin ối roê mâu kế kâ ki kơhiêm a kố, môi tiah: tu\m túa mưt, têa ôu ki pro ing plâi dâu, klêi mê mâu têa ki pro ing mâu plâi kâ.

            Mơhé cho kơpong kong ngo, laga kơchơ tê mơdró kơmăng Đà Lạt xuân ai hên tơmối troh ơm hyô, xua mâu kế kâ kơpong têa kơx^. Mâu kế kâ têa kơx^ a kố châ pế pơchên hên h^n; yă ôh tá kơnâ, laga kơhiêm, krúa le\m há. Ki rơhêng vâ tối, tơmeăm kâ ki lâi xuân tô kơhiêm, rơhêng vâ kâ drêng hyôh kong prâi hngiú. Ngoh Nguyễn Đức Tình, ối a Mê Linh, kong pơlê Vĩnh Phúc, tối: Kơchơ tê mơdró kơmăng Đà Lạt ai hên túa kơchâi ki pro lâuh, ai tơku\m hên kế kâ peăng kơnho\ng, peăng tơdế tơnêi têa. Kế tơmeăm ki pro pơxú kế kâ cho ing pơkeăng nhâ loăng ki tá hâi chói hlo, kơchâi drêh krúa le\m. Hyôh kong rơnguôt le\m, tơtro vâ kâ mâu kế kâ ki pôh dêi Đà Lạt xuân kơhiêm, drôu xuân phá tơ-ê [a\ hên túa drôu.

            Kế tơmeăm khoăng hên h^n, yă xuân rơpâ, mâu ngế ki tê kế tơmeăm khoăng xuân hlế [a\ tơmối, mê cho tơdroăng ki kế tơmeăm khoăng ơm hyô Đà Lạt vâ pro tơmối ơm hyô rơhêng vâ roê. Rơtế [a\ mê, tơdroăng pơkâ ‘na mơjiâng pro kế tơmeăm khoăng ơm hyô dêi khu kăn pơkuâ pơlê kong kơdrâm, pro tơ’lêi hlâu ăm mâu khu tê mơdró ki ku ku\n tơpui tơno, tê mơdró kế tơmeăm khoăng ăm tơmối ơm hyô, xuân cho tơdroăng ki Đà Lạt dế pêi tơtro. Nâ Lê Thị Hồng Nhung, ngế pơkuâ hngêi tê mơdró kế tơmeăm khoăng kơxo# 35A Nguyễn Thị Minh Khai ối a kơchơ tê mơdró kơmăng pơlê kong kơdrâm Đà Lạt, tối ăm ‘nâi: Khu kăn pơkuâ a Đà Lạt đi đo to\ng kum, mơhnhôk kuăn pơlê tung pơlê kong kơdrâm tê mâu kế tơmeăm khoăng ki dâi le\m, po rơdâ kế tơmeăm khoăng ki tê, đi đo pro tơ’lêi hlâu ăm kuăn pơlê tê mơdró. Á tê mâu kế tơmeăm khoăng ki má môi dêi Đà Lạt, mê cho: Kơchâi plâi pôm, mưt, chếi, kơphế [a\ Atisô, tâi tâng pơrá mơjiâng pro a pơlê kong kơdrâm. Tiah hmâ ki hên cho tơmối ơm hyô vâi tơku\m lăm peăng kơmăng, [a\ tơmối Đà Lạt mê plâ hâi plâ măng.

            Tê mơdró tâi tâng mâu hâi tung măng t^ng, kơchơ tê mơdró kơmăng Đà Lạt rế hía rế ai hên tơmối rơhêng troh ơm hyô. Kố cho tíu ki rêm ngế tăng hlo [a\ roê kế tơmeăm khoăng diâp ăm dêi nho\ng o mâu kế tơmeăm khoăng ki vâ tơbâ Đà Lạt, kâ mâu kế kâ ki kơhiêm pế pơchên tơdrêng, ối cho tíu ki lăm xah hêi, châ hlo kong kế, hyôh kong prâi krúa le\m, hâk vâ [a\ tơmối phá tơ-ê dêi kơpong Tây Nguyên.

A Sa Ly tơplôu [a\ tơbleăng