Tâng ối vâ tơdah xo dêi kuăn a bo cheăng Hngêi trung râ má môi Nguyễn Lương Bằng, bêng Thắng Lợi, pơlê kong kơdrâm Plei Ku, mê ngoh Trần Minh Đức hlo hmiân tuăn drêng a drô hang lông troăng, pá ngiâ bo cheăng hngêi trung hiăng châ ‘no liăn mơjiâng pro tu\m têk, krá le\m, mâu rơxế ki kơtâu tơkâ luâ xuân hiăng rak vế, pêi pro tro le\m tiô tơdroăng ki hnê tối ki khu ngăn ‘na troăng prôk hiăng tâp tơbleăng pak^ng drô troăng prôk, athế kơtâu chôa ‘lâng ai 40km 1chôu tê, ing mê, khoh pro ăm vâi krâ-nho\ng o tơniăn tuăn drêng chơ dêi kuăn lăm hriâm a mâu hngêi trung.

Tơdroăng ki mê ga ‘ló ‘nâng [ă hok tro. Drêng tơkâ kơpong ki vâ tơdah chơ dê kuăn ’ne\ng prôk lăm, ai kơdrâm mơngế mê kal athế kơdroh tơdroăng ki ăm rơxế kơtâu têi, xua vâ rak vế tơniăn ăm hok tro ki troh [ă lo ing hngêi trung. Tơdroăng kố kal athế pêi pro, po rơdâ hên a mâu tíu ki ê, a mâu tơring, cheăm, tâi tâng mâu hngêi trung vâ rak vế ki tơniăn ăm hok tro [ă nôu pâ hok tro drêng vâi chơ pơtroh lơ djâ vêh dê kuăn ‘ne\ng.

Pôa Nguyễn Văn Tùng, Kăn pho\ hnê ngăn Vi [an bêng Thắng Lợi, pơlê kong kơdrâm Plei Ku tối ăm ‘nâi, Hngêi trung râ má môi Nguyễn Lương Bằng achê troăng Lê Duẩn, xuân cho troăng kân kơxo# 19, khu rơxế ki kơtâu luâ akố hên h^n păng ‘nâng.

Kơdroh kơtâu têi-Hngêi trung tơniăn châ pêi pro tơ-[rê a Gia Lai

Hdrối nah, mâu khu rơxế ki kơtâu tơkâ luâ troăng a hngêi trung kố, kơtâu hmâng to lo vâ ‘nâng. Drêng mê nah, tơdroăng ki hlê ple\ng dêi nôu pâ hok tro xuân tá hâi teăm nhên. La bu klêi kơ’nâi 1 hơnăm pơkâ thế pêi pro tơdroăng Tơkêa bro ‘’Kơdroh kơtâu têi-hngêi trung tơniăn’’, kơnôm ai tơdroăng ki veăng kum dêi khu râ kăn pơkuâ, kơvâ cheăng [ă hngêi trung, tuăn hiâm dêi rêm ngế ki kơtâu rơxế a drô troăng, mâu nôu pâ ki chơ dêi kuăn ‘ne\ng xuân hiăng hơ’leh, ing mê khoh mơjiâng chiâng tơdroăng ki tơniăn troăng prôk mot tro a bo cheăng tơniăn le\m:’Krâ mâu kơ-[ăng tâp drô k^ng troăng vâ mơhno thế kơdroh kơtâu rơxế lối têi a Hngêi trung râ má môi Nguyễn Lương Bằng, mê ing hâi ki mơjiâng pro klêi nah troh nôkố, hlo tơdroăng ki kuăn pơlê prôk lăm akố kơtâu rơxế chía chôa ‘lâng iâ. Tung tuăn tơmiât [ă pêi pro dêi kuăn pơlê hiăng châ hơ’leh nhên ‘nâng, Tung pơla pơkâ pêi pro mê Hngêi trung Nguyễn Lương Bằng châ mơjiâng pro a troăng kân Lê Duẩn, khu kăn pơkuâ akố xuân hiăng rơtế [ă ko\ng an hnê tối, pơtâng tơbleăng kuăn pơlê, troh nôkố, tơdroăng kơtâu rơxế drô troăng ki ai hngêi trung kố hiăng chía chôa ‘lâng [ă tơniăn.

Xuân cho hngêi trung ki châ pơkuâ pêi mơnúa dêi tơdroăng tơkêa bro ‘’Kơdroh kơtâu têi - Hngêi trung tơniăn’’, mê jâ Nguyễn Thị Nga, Kăn pơkuâ hngêi trung râ má môi Phan Đăng Lưu cheăm Biển Hồ phiu ro, sôk suâ tối, troăng prôk nôkố, malối a bo cheăng hiăng châ ‘mâi rơnêu kân rơdâ, krá le\m.

Kơ-[ăng ki tơbleăng ăm rơxế kơtâu drô troăng pơkâ thế chôa ‘lâng 40km 1 chôu

Mâu kơ-[ăng chêh chư hnê tối prôk troăng xuân hiăng châ tâp ‘măn a k^ng drô troăng tơtro. Mâu kơ koan ai tơdjâk troh xuân đi đo lăm ngăn, vâ ‘nâi nhên tơdroăng ki rak vế, pêi pro tro tiô tơdroăng pơkâ ki kơtâu rơxế drô troăng ki tơkâ luâ hngêi trung. Ing mê, hiăng chôa ‘lâng pro hơ’leh tuăn tơmiât, hnoăng pêi pro dêi kuăn pơlê dêi kuăn pơlê [ă tah lôi mâu tơdroăng ki ôh tá tơtro, tơdroăng ki lơ ai tơklâm rơxế drô troăng, malối [ă mâu vâi hok tro:

Cho ‘ló phiu ro ‘nâng [ă môi tuăn mâu tơdroăng ki tơ-[rê ing tơkêa bro. Ki má môi, mê cho, bo cheăng hngêi trung hiăng châ ‘mâi bro tơtro [ă tơnêi tíu, troăng hơlâ, kân rơdâ, bâ phuâng [ă ai kơchuâ [ă puâ bông, pơchốu mơhno troăng prôk tro tiô tơdroăng pơkâ. Pak^ng mê, ối ai mâu kơ-[ăng ki chêh tối nhên, ôh tá xê kum to vâi nôu pâ, kuăn ‘ne\ng cháu chái tung kong pơlê klê ple\ng, mê ối kum mâu ngế ki veăng prôk drô troăng tơkâ luâ hngêi trung mê athế rak vế, pêi pro i tro, kơtâu, prôk i chôa ‘lâng, tơniăn dêi châ, tơniăn ăm vâi ê.

A pơlê kong kơdrâm Plei Ku, Tơdroăng tơkêa bro ‘’Kơdroh kơtâu têi-Hngêi trung tơniăn’’ hiăng châ Khu xiâm ngăn ‘na hbrâ mơdât xía vâ xua tơklâm rơxế châu Á to\ng kum liăn [ă pơkâ pêi pro tiô tơdroăng cheăng sap ing khế 4 hơnăm 2018 troh khế 3 hơnăm 2020. Ki xiâm dêi tơdroăng kố, cho mơjiâng tơdroăng prôk lăm tơniăn tâ a mâu kơpong tâ tá hngêi trung kơnôm ing túa pơkâ cheăng: ‘Mâi rơnêu troăng prôk, hngêi trăng, thăm hnê tối ‘na ki hlê ple\ng dêi kuăn pơlê, pơkâ thế rak vế, pêi pro tiô luât hiăng hnê, kơtâu rơxế athế chôa ‘lâng. Lăm pôu ngăn a pơlê kong kơdrâm Plei Ku, jâ Trịnh Thu Hà, Kăn pho\ ngăn [ơrô Vi [an rak tơniăn troăng prôk tơnêi têa tối ăm ‘nâi, tơdroăng tơkêa kố hiăng châ tơ-[rê khât ‘ló kơde\n khe\n:

Ki hiăng [lêi chiâng má môi tung môi hơnăm apoăng hiăng châ pơkâ pêi pro tiô luât mê cho kơdroh kơtâu rơxế têi, ing 50km 1 chôu ối pá 30km 1 chôu drêng kơtâu tơkâ luâ Hngêi trung Nguyễn Lương Bằng. Tiô tơdroăng ki á hlo, apoăng pro mê, hiăng hlo chía tơ-[rê păng ‘nâng [ă mâu túa cheăng ki vâ pêi pro tung 1 hơnăm kố.

 Tiô tơdroăng séa ngăn dêi Khu xiâm hbrâ mơdât tơdroăng hlâ rong dêi châu Á, rêm hơnăm tơnêi têa pin ai dâng 1 rơpâu 900 ngế vâi ‘ne\ng hlâ xua tơklâm rơxế honđa [ă kố xuân cho ki xiâm tơnêi têa pin ối má péa tung kơpong ai vâi hdrêng hlâ xua xía vâ drô troăng prôk. Tiô tơdroăng séa ngăn ê nếo, tâng riân ngăn 100 rơpâu ngế vâi hdrêng mê ai dâng 20 ngế vâi hdrêng hlâ xua tơklâm rơxế, kơxo# ki mê a mâu kong têa tung kơpong ASEAN cho ai lối 7 ngế [ă mâu kong têa ki kro ai lối 4 ngế.

Vâ kơdroh tơdroăng tơklâm rơxế a vâi hdrêng, Khu xiâm râng liăn kum mơngế hlâ rong tơklâm rơxế châu Á hiăng pơkâ pêi pro tơdroăng tơkêa bro ‘’Kơdroh kơtâu têi - Hngêi trung tơniăn’’ a 6 to kong pơlê tung lâp tơnêi têa [ă Gia Lai cho môi tung mâu kong pơlê ki châ pơkâ pêi pro. Jâ Đinh Kim Phượng, kăn pơkuâ ngăn Khu xiâm rak liăn kum mơngế hlâ rong xua tơklâm rơxế dêi châu Á tối ăm ‘nâi, ing mâu tơdroăng tơkêa bro ki mơnúa pêi ahdrối mê, Khu kố kô mơhnhôk mâu kong pơlê, pơlê kong kân pơtối po rơdâ, vâ troh a tơdroăng ki tơniăn luâ tâ kơ mê nếo ăm hok tro:

Klêi kơ’nâi pơkâ pêi pro mơnúa 2 hơnăm pêi pro tiô tơdroăng tơkêa bro a pơlê kong kơdrâm Plei Ku, kong pơlê Gia Lai mê ngin pói rơhêng vâ ai môi tơdroăng ki le\m tro [ă mơhnhôk tiô troăng hơlâ, ki hdrối tâ cho [ă kong pơlê Gia Lai kô pơkâ pêi pro tro tiô tơdroăng vâ kơdroh ki kơtâu têi drêng tơkâ luâ mâu hngêi trung hriâm tung kong pơlê, ing mê ah, kô pơtối châ po rơdâ, pêi pro tung lâp tơnêi têa.

‘’Kơdroh kơtâu têi - Hngêi trung tơniăn’’ ti xê to tơdroăng pói rơhêng vâ dêi khu pơkuâ ngăn ‘na hnoăng cheăng rak ngăn vâi ‘ne\ng lâp plâi tơnêi, tung tơnêi têa mê ối cho tuăn mơno pói rơhêng vâ dêi mâu nôu pâ a kong pơlê Gia Lai. Tơdroăng ki po rơdâ mê cho kal păng ‘nâng, xua ga tí xê to rak vế ăm hok tro châ tơniăn tâ, mê ối hnê mơhnho ăm rơxông kuăn ‘ne\ng [ă pơlê pơla thăm rế hlê ple\ng trâu rơdâ, nhên khât ‘na pêi pro tiô tơdroăng pơkâ, drêng kơtâu rơxế, drêng prôk chêng a drô troăng, vâ kring vế tơniăn ăm dêi tơná [ă rêm ngế tâ tá.

Công Bắc chêh

Nhat Lisa tơplôu [ă tơbleăng