VOV4.Sêdang - {a\ mơngế kuăn pơlê Việt Nam, mâu hâi rơnó khía rơxa\m hơnăm 1945 đi đo troh tá ah chôu ‘măn, pâ vế tung tơdroăng mơnhông mơdêk dêi hdroâng kuăn ngo, khên tơnôu. Ki rơhêng vâ tối, hâi lơ 2 khế 9 hơnăm 1945, Pôa Hồ Chí Minh, Kăn xiâm hnê ngăn Tơnêi têa pơchuât mơ-éa tối tơbleăng châ tơniăn le\m, mơjiâng tơnêi têa Việt Nam dân chuh ko\ng hoa, hiăng tơbâ tung hiâm mơno rêm ngế Việt Nam.

            Hiăng tơkâ hluâ 70 rơnó khía rơxa\m sap ing tơnêi têa tơniăn le\m, laga [a\ kơbố châ hlo ki sôk ro a hâi lơ 2 khế 9 hơnăm 1945, mê ôh tá kâi piu chôu phut ki ro krip má môi, drêng Pôa Hồ pơchuât mơ-éa pơtâng tối châ tơniăn le\m: Tơnêi têa Việt Nam ai hnoăng rak tơniăn [a\ tơniăn le\m [a\ ki dâi khât hiăng chiâng môi tơnêi têa tơniăn le\m. Tâi tâng hdroâng mơngế Việt Nam kho\m mơ-eăm tâi tâng tá hiâm mơno, châ chăn [a\ kế tơmeăm khoăng vâ rak vế hnoăng tơniăn le\m mê.

            Tung tơdroăng hơ’muăn dêi pôa Lê Đức Vân ối a pơlê kân Hai Bà Trưng, Hà Nội, môi tiah pơlê kong xiâm drêng mê nah hlo a ngiâ, khên tơnôu, sôk ro dêi môi hdroâng kuăn ngo nếo châ tơniăn le\m. Hâi mê nah, sap ing kơxo má, kuăn pơlê lo ing lâp lu sôk ro lăm a plông kân Ba Đình. Tung ko\ng rêm ngế râng môi hlá kơ khêi ai hlo\ng, ngiâ mêa kơbố xuân sôk ro, hơniâp ro, môi tiah hâi leh kân [a\ mê cho hâi leh kân má môi dêi lâp hdroâng mơngế. Pôa Lê Đức Vân pâ tơdroăng mê nah: Hâi lơ 2 khế 9, lâp Hà Nội sôk ro, rêm ngế mơjiâng bo cheăng, pơchoh pro hlá cơ, ai hngêi pơchoh 3 plâ hlá cơ, klêi mê hriâm hơdruê [ai tiến quân ca. Tơdah tơniăn le\m, rêm ngế sôk ro, tơdah sôk ro Chin phuh [a\ tơbleăng tơniăn le\m [a\ mê cho roh apoăng châ ‘nâi troh Pôa Hồ. Hdrối nah rêm ngế [a\ á xuân tá hâi ‘nâi Pôa Hồ ôh.

Jâ Lê Thi-ngế ki toi hlá cơ a Plông kân Ba Đình lơ 2/9/1945

            Pâ mâu tơdroăng ki le\m ro le\m mê nah dêi Hâi tơniăn le\m apoăng dêi tơnêi têa, jâ Lê Thi, ối a Ngô Quyền, pơlê kân Hoàn Kiếm hơ’muăn tối: Jâ sôk ro cho ngế ki toi hlá kơ dêi Tơnêi têa kơneăng tung hâi châ [lêi trâng kân dêi hdroâng kuăn ngo. Rơtế [a\ hên mơngế lăm a plông kân Ba Đình, jâ ối tung khu vâi kơdrâi to\ng kum tơnêi sâp ếo rơbông, truâ chêng kho\ng [a ta, râng loăng kơtrá ối rơtế [a\ mơngế ko\ng nhân, droh rơtăm, mâu ngế tiô khôp, thái cô [a\ hía hé, hlá prôk lăm hlá idrâp tối môi tuăn [a\ kăch măng, môi tuăn [a\ Việt Minh. Drêng Pôa Hồ to a tíu vâ tơku\m po leh, tâi tâng rêm ngế ôh tá tơpui pơ’lok, rơtế ối tâng ngăn Pôa Hồ, mơhno dêi châ a ngiâ kuăn pơlê. Mê cho roh apoăng jâ Lê Thi châ trâm Pôa Hồ Chí Minh. Ôh tá ê drêng jâ hlo Pôa Hồ ôh tá krip môi tiah mâu kăn ki ê [a\ achê hâk vâ [a\ kuăn pơlê: A hiăng troh a Plông ki kân a’ngêi hnối prôk hnối tô tuăn xua ôh tá hbrâ tơnáu hdrối, drêng hiăng vâ troh a tíu plông a’ngêi a hiăng trâm môi ngế kơdrâi. Má têk ko\ng dêi rơpó lăm troh a tíu tơpui a plông a’ngêi. Drêng tâng mơ’no [ai hơdruê Tiến quân ca mê ngin chôa ‘lâng toi dêi hlá cờ, drêng [ai hơdruê hiăng tâi mê hlá cơ hiăng troh a kối kơneăng. Ngin hiăng phoih tung hiâm mơno, hiăng pê klêi hnoăng cheăng

          Tung mâu hâi dêi khế kố, rêm ngế kuăn pơlê dêi tơnêi Việt Nam châ rêh ối tung tơdroăng tơniăn. Tơdroăng ki sôk ro hâi apoăng tơnêi têa Việt Nam hluăn ing tro xâ Pohlăng tơbriât pơkuâ lối 80 hơnăm [ă hiăng plâ [lêi xâ ‘mêi Nhuk lo ing tơnêi têa, tah hnoăng pơkuâ dêi rơxông hdrối nah tung 10 chal. Mê cho tơdroăng sôk ro dêi môi tơnêi têa Việt Nam châ tơleăng le\m.

A Sa Ly tơplôu [ă tơbleăng