VOV4.Sêdang - Tung 6 hâi pơtê leh, a kong pơlê Kon Tum hiăng ai 3 rôh tơklo#m rơxế ki rơ-iêu ó pro 4 ngế hlâ [ă 1 ngế tro rong. Ki rơhêng vâ tối akố tung 4 ngế hlâ xua tơklo#m rơxế mê a Kon Tum tung pơla 6 hâi pơtê leh ai 3 ngế cho vâi hdrêng. Ki rơ-iêu tâ cho rôh tơklo#m a troăng kân kơxo# 14, troăng ki ối tung thôn 5, cheăm Tân Cảnh, tơring Đak Tô pro 2 ngế hok tro hlâ tơdrêng. Hdrối mê, 3 ngế hok tro hriâm lâm 8, hngêi trung râ má péa Lương Thế Vinh, tơring Đak Tô, mê cho: Nguyễn Xuân Hòa 15 hơnăm, Huỳnh Xuân Diệu 14 hơnăm [ă Nguyễn Ngọc Anh 14 hơnăm vê môi toăng rơxế hon đa dêi rơpo\ng hngêi ke#n tơring Ngọc Hồi xah hêi, a troăng vêh xua kơtâu têi luâ râ hiăng klo#m a môi trăng ki pêt tiô a drô troăng hnối kơtong klêh tung hno têa. Rôh tơklo#m rơxế kố pro Hòa prếi Diệu hlâ tơdrêng amê. Nguyễn Ngọc Anh tro rong ó. Dế pơla ai troăng xía vâ, ngế ki vê rơxế cho Nguyễn Xuân Hòa tá hâi ai hlá mơ-éa phêp vê rơxế hon đa 3 ngế hok tro kố pơrá ôh tá xo môk rak ko.

Katarina Nga tơplôu