VOV4.Sedang - Kơxê lơ 10 khế 4, pơlê kong kơdrâm Kon Tum, kong pơlê Kon Tum tơku\m po Leh tối tơbleăng cheăm Đoàn Kết pêi pro hiăng klêi tiu tơdroăng pơkâ xiâm dêi tơnêi têa ‘na mơjiâng thôn pơlê rêh ối-cheăng kâ tiu túa nếo. Ki xiâm dêi hnoăng cheăm Đoàn Kết kố pêi pro tung mơjiâng thôn pơlê rêh ối-cheăng kâ tiu túa nếo cho hiăng mơdêk châ tơ-[rê tơdroăng rêh ối dêi kuăn pơlê. Vâ chê 4 rơpâu ngế kuăn pơlê pêi lo liăn ngân chía hên a hơnăm 2014, tung mê lối 24% cho hdrông kuăn ngo dêi cheăm ai vâ chê 24 rơtuh liăn môi ngế tung môi hơnăm. Kơxo# rơpo\ng kơtiê kơdroh pá kơdâm 7%. Tâi tâng mâu troăng ki mot tung thôn, pơlê, troăng prôk tơngi cheăm pơrá hiăng tôh chhá kơxu. Mâu khu tơru\m tơdroăng kal kí, khu kăn pơkuâ ngăn cheăm pêi cheăng châ tơ-[rê rêm hơnăm pơrá châ pơxá inâi krúa le#m, krá tơniăn hnối cho tơdroăng ki apoăng tung tơ’noăng tung pơla mâu cheăm dêi pơlê kong kơdrâm Kon Tum. Rơtế [ă tơdroăng ki sôk ro kố, cheăm ki apoăng dêi pơlê kong kơdrâm Kon Tum [ă hnối cho cheăm ki má 2 dêi kong pơlê Kon Tum pêi pro châ tơ-[rê tiu tơdroăng pơkâ ‘na mơjiâng thôn pơlê rêh ối-cheăng kâ tiu túa nếo, khu kăn pơkuâ ngăn cheăm Đoàn Kết xuân hiăng mơjiâng mâu túa pơkâ pêi pro ki nhên vâ pơtối mơeăm mơjiâng krá tơniăn 19 tơdroăng pơkâ dêi tơnêi têa ‘na mơjiâng thôn pơlê rêh ối-cheăng kâ tiu túa nếo, pêi troh tiu tơdroăng pơkâ. Poâ Nguyễn Văn Vụ, Kăn hnê ngăn Vi[an cheăm, xuân cho Kăn pơkuâ ngăn ‘na mơjiâng thôn pơlê rêh ối-cheăng kâ tiu túa nếo cheăm Đoàn Kết, pơlê kong kơdrâm Kon Tum, ăm ‘nâi: Cheăm pơtối mơhnhôk, tối tơbleăng ăm vâi krâ nho\ng o rak tơniăn mâu tơdroăng pơkâ hiăng klêi pêi pro. Mơ-eăm pơkuâ  tơniăn tâ mâu tơdroăng pơkâ pro tung la ngiâ ah. Mê cho hnoăng pơkâ ‘na rak vế krúa le#m kong prâi, tơnêi tíu, mơhé ngăn gá tơ’lêi la athế ai tơdroăng ki rơkê ple#ng dêi kuăn pơlê. Tơdroăng pơkâ ‘na rak tơniăn kring vế tơdroăng kal kí nôkố hiăng châ pêi pro la tâng ôh tá ai tơdroăng ki veăng to\ng kum dêi mâu rơxông pơkuâ ngăn ‘na tơdroăng kal kí xuân kô ai tơdroăng ki trâm tơdroăng ki ôh tá tơniăn xuân ôh tá ‘nâi hdrối. Ngin kô mơhnhôk kuăn pơlê xúa khoa hok kih thua#t vâ mơdêk tơdroăng rêh ối, liăn ngân, tuăm hiâm dêi vâi krâ nho\ng o.

Katarina Nga tơplôu

Teăng mâ khu kăn pơkuâ [ă kuăn pơlê cheăm Đòan Kết tơdah xo [âng kơdeăn khe#n mơnhên tối cho cheăm ki hiăng klêi mơjiâng thôn pơlê rêh ối cheăng kâ tiu túa nếo.