VOV4.Sêdang - Hâi lơ 21/7, kơvâ ngăn pơkeăng kong pơlê Kon Tum hiăng tối ai ngế má 3 yương tĭnh ƀă SARS-CoV-2,  mê cho pôa B.T.X. ối a Đăk Môn, tơring Đăk Glei. Klêi troh a tơring Kƀang, kong pơlê Gia Lai ối a ngế mâu ngế ki tâ COVID-19, pôa B.T.X lo ing Gia Lai vêh a Kon Tum troh a tíu gak ngăn kơxô̆ 1 Sao Mai, cheăm Hòa Bình, pơlê kong kơdrâm Kon Tum ƀă khăm ngăn hlo yương tĭnh ƀă SARS-CoV-2.

Tiô khu hnê mơhno hbrâ mơdât pơreăng COVID-19 kong pơlê Kon Tum ngế ki F0 mê xuân môi tiah 2 ngế F0 ki hdrối mê há xuân châ ‘nâi ƀă klâ krê teăm tơdrêng a Tíu gak ngăn mơdât pơreăng, hâi teăm châ mot tung kong pơlê Kon Tum. Vâ tơniăn ‘na tơdroăng hbrâ mơdât pơreăng COVID-19, Khu xiâm ngăn pơkeăng pơlât kong pơlê Kon Tum ai tơbleăng tơdrêng tăng ngế ki lăm troh a Tíu séa ngăn Sao Mai a troăng kân 14, dêi thôn 2 cheăm Hoà Bình, pơlê kong kơdrâm Kon Tum.

Gương tơplôu ƀă tơbleăng