VOV4.Sêdang - Kơxê lơ 4 khế 6, pôa Hoàng Trung Thông, kăn hnê ngăn Vi[an tơring Đak Glei, kong pơlê Kon Tum ăm ‘nâi, Ko\\ng an tơring kố hiăng vê hdro kơpong ki mơnhên hiăng châ ‘nâi ngế ki klâm hmốu a 5 toăng rơxế chơ tơmối dế kơtâu a troăng Hồ Chí Minh a kơxo má hâi lơ 1 khế 6. Mâu ngế ki kố pơrá cho kơnốu tá hâi troh 18 hơnăm, ối a pơlê Brông Mỹ, cheăm Đak Môn, tơring Đak Glei. Vi[an hnê ngăn tơring Đak Glei hiăng hnê mơhno ko\ng an cheăm pơtối séa ngăn pro nhên rôh ki klâm hmốu rơxế chơ tơmối dêi mâu khu ngế ki kố vâ pơxâu phâk tiô luât pơkâ.

            Môi tiah Rơ’jiu Việt Nam hiăng mơ’no tối, a kơxo má hâi lơ 1 khế 6, a troăng kân Hồ Chí Minh, troăng ki prôk tơkâ hluâ cheăm Đak Môn, tơring Đak Glei, kong pơlê Kon Tum, 5 toăng rơxê chơ tơmối sap ing peăng kơnho\ng kơtâu ke#n peăng hdroh drêng kơtâu a troăng kố mê tro vâi klâm hmốu tơhneăng nhe#ng pro tơmối to tung rơxê kơdrâ xâu hnối tro lu\p ó ăm mâu khu ki pơkuâ ngăn rơxế.

Katarina Nga tơplôu