VOV4.Sêdang -  Kơ’nâi 6 chô tơpâ on, troh 5 chô kơxêi hnah, lơ 28 khế 3, mâu khu râ pơkuâ cheăng dêi tơring Sa Thầy [ă kơdrum kong Chư Mom Ray, kong pơlê Kon Tum hiăng kâi tơpâ on chếo kong a kơhâi dế .

Rôh on chếo a 11 chô kơhâi dế hâi lơ 28 khế 3, a kong 607, cho deăng kong Chư Mom Ray  rak ngăn a thôn 2, cheăm Sa Sơn, tơring Sa Thầy. Kong tíu on chếo cho mâu pơlái, phêa rơchiâ. Klêi tâng tối on chếo, Vi[an tơring Sa Thầy hiăng mơhnhôk dâng 100 ngế veăng tơpâ on tá ăm on châ kâ lâp lu. Mơhé tiah mê, xua to ngo ngối, khía têi tơdroăng tơpâ on trâm hên xơpá. Pôa Đào Xuân Thủy, kăn pho\ pơkuâ ngăn kơdrum kong Chư Mom Ray pơtối hnê mơhno tơpâ on ăm ‘nâi: Troh luâ 5 chôu kơxêi hnah, ngin nếo kâi tơpâ on. Vâ pôi tá ai on châ chếo nếo, mâu lêng [ă kuăn pơlê pơtối tơpâ mơhế kong hiăng xêi. Xuân tiô pôa Thủy tối, tâng riên apoăng on chếo lup dâng 5 ha kong. Tíu on chếo kong kơtăn hơngế ing chiâk deăng kuăn pơlê, ki xiâm on khoh chếo mơni xua mâu ki lăm tung kong tro râng on tro kơ’nêh khoh chiâng chếo.

Gương tơplôu [ă tơbleăng