VOV4.Sêdang - Kong pơlê Kon Tum nếo ai hlá mơ-eá pơtroh ăm Khu xiâm ngăn on tơhrik kơpong Tơdế tơnêi têa thế séa ngăn, pêi pro tơdrêng tơbleăng ‘no liăn mơjiâng pro Tíu ‘măn kơmăi biến áp 110kV Đăk Glei ƀă troăng kơxái 110 kV Bờ Y- Đăk Glei tiô pơkâ. Tiô Vi ƀan kong pơlê Kon Tum, tơdroăng ‘no liăn mơjiâng pro tíu ‘măn kơmăi biến áp 110kV Đăk Glei ƀă troăng kơxái 110 kV Bờ Y - Đăk Glei cho kal khât ƀă thế pro tơdrêng. 

Xua ai Tíu ‘măn kơmăi biến áp ƀă troăng kơxái mê nếo pro tơ’lêi hlâu ăm tơdroăng pơtối tơdjêp kơxái ăm mâu hngêi kơmăi on tơhrrik tung tơring Đăk Glei; veăng mơnhông cheăng kâ - rêh ối dêi kong pơlê; rak tơniăn tiô tơdroăng ’no liăn mơjiâng pro mâu hngêi kơmăi on tơhrik ƀă mơdêk ki loi nhoăm pro on tơhrrik hên a tơring Đăk Glei.

On tơhrik Kon Tum pro môi tíu ‘măn Kơmăi biến áp 110kV a tơring Ngọc Hồi

Tiô ăm ‘nâi, Tíu ‘măn kơmăi biến áp 110kV Đăk Glei ƀă troăng kơxái 110kV Bờ Y- Đăk Glei hiăng pơkâ mơnhông mơdêk pro troăng kơxái on tơhrrik kong pơlê Kon Tum pơla hơnăm 2016-2025, la troh nôkố hiăng hrá 3 hơnăm tâng vâ pơchông ƀă pơkâ. Tíu ‘măn kơmăi biến áp hâi châ Khu xiâm ngăn On tơhrik kơpong Tơdế tơnêi têa ‘no mơjiâng pro.

Kố cho tơdroăng ki pro ki vâ kơdroh pá puât dêi troăng kơxái on tơhrrik ƀă on tơhrik kơtâu ƀă khía a 2 tơring Ngọc Hồi, Đăk Glei dêi kong pơlê Kon Tum drô troăng tơkăng kong Lếo.

Gương tơplôu [ă tơbleăng