VOV4.Sêdang - Kong pơlê Kontum ai troăng tíu tơkăng kong xo\n 280 km achê [a\ kong pơlê Attapeau, kong pơlê Sekong dêi kong têa Lếo [a\ kong pơlê Ratanakiri, kong têa Kul. Tung mâu hơnăm kố nah kơnôm pêi tro tơdroăng tơpui kâ [a\ kong têa ê ‘na gak kring tíu tơkăng kong, khu mô đo#i gak kring tíu tơkăng kong kong pơlê KonTum hiăng pêi kêi đeăng hnoăng cheăng ki tơnêi têa pơcháu ăm. Rơtế [a\ gak kring krá tơniăn hnoăng pơkuâ gak kring tíu tơkăng kong, kăn [o#, mô đo#i gak kring tíu tơkăng kong hiăng pêi kêi đeăng tro tơdroăng tơpui kâ drô tíu tơkăng kong, kum kal khât tung mơjiâng kơpong tíu tơkăng hơniâp le\m, ru\m môi tuăn, tơru\m [a\ dêi pó, tơru\m [a\ mơnhông mơdêk. Tơdroăng ‘’Mô đo#i Pôa Hồ Tây Nguyên’’ hâi kố, ngin tơbleăng troh pó vâi krâ nho\ng o [a\ pú hmâ tơdroăng pêi ki ôh tá ai kơbố ‘nâi kố dêi mâu khu mô đo#i gak kring tíu tơkăng kong dêi kong pơlê Kon Tum. {a\ nôkố, pin rơtế troh [a\ Đông mô đo#i gak kring tíu tơkăng kong Rơ Long, ối a cheăm Đak Long, tơring Đak Glei, môi tung mâu tíu ki má môi pêi tro tơdroăng tơpui kâ [a\ kong têa ê drô tíu tơkăng kong.

        Đông mô đo#i gak kring tíu tơkăng kong Rơ Long, ối a cheăm Đak Long, tơring Đak Glei, kong pơlê Kontum ai hnoăng pơkuâ, gak kring tíu tơkăng kong xo\n 24 km achê [a\ kong têa Lếo. Kơpong ki Đông pơkuâ tơnêi tơníu prôk lăm pá puât, ai hên ngo xo\n [a\ kơpong kố ôh tá ai kuăn pơlê rêh ối. peăng kong têa pú hmâ ai thôn Thoàng Kày Ôoc, ối tung kơpong pơlê Văng Tắt, tơring Sản Xay, kong pơlê Attapeau. Kố cho kơpong tơku\m hên mâu khu tê mơdró dêi péa tơnêi têa, pêi cheăng kếo, uâ loăng [a\ chiâ kế tơmeăm khoăng tung kơdâm tơnêi. Vâ pêi pro tro hnoăng pơkuâ, gak kring troăng tíu tơkăng kong [a\ hbrâ mơdât mâu ngế tơkâ hluâ tíu tơkăng kong ôh tá tro luât, Đông lêng mô đo#i gak kring tíu tơkăng kong Rơ Long mơnhên tơdroăng tơpui kâ [a\ kong têa ê drô tíu tơkăng kong cho môi hnoăng cheăng ki kal. Xua mê, sap ing hên hơnăm kố nah, kăn [o#, mâu lêng cheăng tung đông lêng đi đo tơku\m po mâu roh pêi cheăng pơtâng tối drô tíu tơkăng kong. Trung tă Hồ Sĩ Lâm, kăn pơkuâ đông lêng gâk kring tíu tơkăng kong Rơ Long tối ăm ‘nâi: Ngin tơru\m tơku\m po khăm pơlât ăm vâi krâ nho\ng o a pơlê Thoàng Kày Ôoc, ngin hbru ăm mâu kơxuô kế tơmeăm khoăng ăm rơpo\ng ki pá puât, tơku\m  văng krúa le\m. Pak^ng mê ngin tơku\m po mâu tơdroăng trâm mâ, mơhno khôi túa le\m tro, tơ’noăng ivá [a\ hía hé.

            Bu xêo sap apoăng hơnăm 2015 troh nôkố, kăn [o#, mâu lêng mô đo#i gak kring tíu tơkăng kong Rơ Long hiăng tơku\m po 4 roh khăm pơlât ăm lối 400 roh ngế a thôn Thoàng Kày Ôoc. Klăng roh leh, têt, hâi mơd^ng tơbâ kân krip Đông lêng pơrá tơku\m po mâu khu kăn lăm pôu, diâp kế tơmeăm khoăng ăm khu lêng mô đo#i gâk kring tíu tơkăng kong [a\ kuăn pơlê kong têa pú hmâ. Drêng tơdroăng rêh ối dêi kuăn pơlê tung thôn ối trâm pá puât, Đông lêng gâk kring tíu tơkăng kong Rơ Long tơku\m po pơtâng tối, mơhnhôk, xing xoăng ăm hdrê loăng plâi, hdrê mơnăn păn, hnê mơhno kuăn pơlê pêt 500 hectar pôm loăng ki châ, vâ tê ăm hngêi kơmăi pôm Đak Tô, tăng tơ’nôm liăn ngân.

            Hiăng ai hên tơdroăng ki to\ng kum châ kuăn pơlê a thôn Thoàng Kày Ôoc hơ’muăn dêi pó tơmâng rêm roh tối troh mô đo#i gâk kring tíu tơkăng kong Việt Nam. Tơdroăng ‘na o kơdrâi Y Nọi Se Keo 14 hơnăm cho vâ pơtih. Tơngah tơdroăng hriâm tâp dêi o Y Nọi Se Keo, drêng mê nah o kô pơtê hriâm drêng nôu pâ o hlâ lêk lôi. Laga tơdroăng sôk ro troh [a\ o drêng kăn [o#, kăn pơkuâ Đông lêng gak kring tíu tơkăng kong Rơ Long tối ăm ‘nâi, khu mô đo#i hiăng kum ăm o 500 rơpâu liăn môi khế vâ o lăm hriâm, kum liăn ăm o troh la lâi o mơgêi lâm 12. Tơdroăng veăng kum teăm tơdrêng hiăng kum o tơkâ hluâ pá puât, pơtối châ troh hriâm a hngêi trung. O Y Nọi Se Keo sôk ro tối ăm ‘nâi: Nôu pâ á hlâ lêk lôi xua mê 8 nho\ng nâ o á pá puât. Á o ối [a\ miê, laga miê xuân pá puât. Mâu tăm mô đo#i gâk kring tíu tơkăng kong Việt Nam ăm á  hnoăng liăn hriâm, á sôk ro păng ‘nâng. Á kô mơ-eăm hriâm rơkê vâ mơnê hnoăng to\ng kum dêi mâu tăm miê mô đo#i gâk kring tíu tơkăng kong Rơ Long.

            Tơdroăng tơmâng to\ng kum hên khât dêi mâu kăn [o# lêng mô đo#i Đông lêng gak kring tíu tơkăng kong Rơ Long châ khu kăn pơkuâ [a\ kuăn pơlê kong têa pú hmâ mơnhên, kơde#n kheăn. Pôa Sam Mãi, kăn pơkuâ thôn Thoàng Kày Ôoc tối tiah kố: Á [a\ kuăn pơlê tung thôn Thoàng Kày Ôoc hâk vâ mô đo#i gâk kring tíu tơkăng kong Rơ Long Việt Nam. Mô đo#i gâk kring tíu tơkăng kong Việt Nam rơkê khât, kum ngin hên tơdroăng, rêh ối [a\ ngin le\m tro. Drêng lâi pá puât, ki má lối drêng tro châi tamo, mê mô đo#i gâk kring tíu tơkăng kong Việt Nam kum veăng ngin. Ngin mơnê hên tơdroăng pâ nhuo#m dêi nho\ng o mô đo#i gâk kring tíu tơkăng kong Việt Nam.

            Châ hlo drêng rup ko\ng [a\ dêi pó, tó sôk ro, mâu roh tơpui tơno pơla kăn [o#, lêng Đông mô đo#i gâk kring tíu tơkăng kong Rơ Long [a\ khu gâk kring tíu tơkăng kong [a\ kuăn pơlê thôn Thoàng Kày Ôoc, ngin hlê ple\ng vâ châ tơdroăng nhuo#m pâ ki xêt păng ‘nâng kố, kăn [o# lêng mô đo#i gâk kring tíu tơkăng kong Rơ Long hiăng pêi pro tro tơdroăng tơpui kâ [a\ kong têa ê a tíu tơkăng kong. Kố cho tơdroăng ki kal vâ mâu hơnăm hiăng hluâ Đông gâk kring tíu tơkăng kong Rơ Long đi đo châ tơru\m, kum krá tơniăn, kơhnâ khât dêi khu mô đo#i gak kring tíu tơkăng kong [a\ kuăn pơlê kong têa pú hmâ tung gak kring hnoăng pơkuâ, gâk kring tíu tơkăng kong.

A Sa Ly tơplôu [ă tơbleăng