VOV4.Sêdang - Kơxê lơ 22/10, Khu kăn ki séa ngăn dêi Khu ngăn ‘na cheăng kâ [ă Liăn ngân Ho#i đong hnê ngăn kong pơlê Kon Tum pêi cheăng [ă Khu ngăn pêi chiâk deăng [ă mơnhông thôn pơlê ‘na tơdroăng ki pêi pro túa pơkâ ‘no liăn cheăng sap ing kơxo# liăn tơnêi têa hơnăm 2019. Tối tơbleăng [ă khu kăn ki séa ngăn tơdroăng cheăng, teăng mâ Khu ngăn chiâk deăng ăm ‘nâi, Khu ngăn chiâk deăng cho tíu ki ‘no liăn cheăng pêi pro mâu tơdroăng tơkêa xúa kơxo# liăn ODA [ă tâi tâng kơlo liăn ‘no ai 361,440 rơtal liăn, pêi pro ‘no ăm liăn sap ing apoăng hơnăm troh lơ 31/8 nếo châ 270 rơtuh liăn.

Kơxo# liăn ing tơdroăng pơkâ dêi tơnêi têa mơjiâng thôn pơlê nếo ai 2 rơtal 950 rơtuh liăn tiô tối hdrối troh mơ’nui hơnăm kô ‘no châ 100% túa pơcháu. Kơxo# liăn ing tơdroăng pơkâ dêi tơnêi têa ‘na kơdroh kơtiê krá tơniăn ton ai 1 rơtal 834 rơtuh liăn pêi pro troh lơ 31/8 ‘no châ 1 rơtal 730 rơtuh liăn.

Tối tơbleăng a rôh pêi cheăng, kăn pơkuâ ngăn cheăng kâ [ă liăn ngân Ho#i đong hnê ngăn kong pơlê pơkâ thế kăn pơkuâ Khu ngăn chiâk deăng [ă mâu Khu rak ngăn tơdroăng tơkêa ai mâu troăng hơlâ vâ mơdêk re\ng tơdroăng ki ‘no liăn cheăng mơjiâng pro mâu kế tơmeăm [ă ‘no liăn ngân vâ pro kế tơmeăm pơkâ dêi tơnêi têa, tơdrêng amê hnối tơmâng xo mâu tơdroăng ki pâ thế, pơkâ mơ’no dêi Khu, kơvâ cheăng vâ ai rơkong tơpui tối [ă Vi [an hnê ngăn kong pơlê [ă pơkâ mơ’no a rôh hôp mơ’nui hơnăm 2019 dêi Ho#i đong hnê ngăn kong pơlê séa ngăn, pơkâ tơleăng.

Katarina Nga tơplôu [ă tơbleăng