VOV4.Sêdang - Pơla ai tơdroăng 5 rơxế pơto tơmối lăm troăng sap peăng kơnho\ng troh peăng tơdế tơnêi têa a kơxo hâi lơ 1 khế 6, lăm troăng kân Hồ Chí Minh, kơpong tơkâ hluâ Đak Môn, tơring Đak Glei kong pơlê Kon Tum tro hvât hmố [â rơxế pơto tơmối, pro tơmối ki to rơxế xâu rơ-iêu khât, pro ôh tá tơniăn ‘na troăng prôk [a\ rơxế kơtâu, kơxê hâi lơ 1 khế 6, Vi[an pơkuâ tơring Đak Glei hiăng ai mơ-éa thâ tơdrêng pơkâ kơ koan cheăng séa ngăn, tơleăng ôh tá ăm ai tơdroăng môi tiah mê xếo. Vi[an tơring Đak Glei pơkâ Ko\ng an tơring pơkuâ, tơru\m [a\ Vi[an cheăm Đak Môn tơku\m séa ngăn, mơnhên mâu ngế ki veăng hvât hmố [â rơxế pơto tơmối a kơxo má lơ 1 khế 6. Klêi kơ’nâi séa ngăn, thế tơleăng kêi đeăng tơdroăng kố, [a\ tơbleăng ăm Vi[an tơring hrá má môi a hâi lơ 4 khế 6 hơnăm 2015. Pak^ng mê, Vi[an tơring Đak Glei xuân pơkâ mâu cheăm ki ai troăng kân Hồ Chí Minh tơkâ hluâ, mê cho: Đak Man, Đak Pek, pơlê kân Đak Glei, Đak Kroong [a\ Đak Môn pêi pro kơtăng tiu tơdroăng hnê mơhno dêi Vi[an tơring, ai túa séa ngăn, mơdât tơdrêng tơdroăng hvât hmốu [â rơxế pơto tơmối vâ tơniăn ăm tơmối ki to tung rơxế, [a\ ngế vê rơxế [a\ kế tơmeăm khoăng dêi khu tê mơdró drêng kơtâu dro troăng kân Hồ Chí Minh tơkâ hluâ mâu pơlê kố.

A Sa Ly tơplôu