Kong pơlê Kontum ối a kơpong peăng kơnho\ng dêi kơpong Tây Nguyên ai troăng tíu tơkăng kong tơnêi têa xo\n 280,7 km achê [a\ kong têa Lếo [a\ Kul. Drô tíu tơkăng kong ai 101 thôn pơlê ối tung 13 cheăm dêi 4 tơring [a\ 21 hdroâng kuăn ngo nho\ng o rêh ối, tung mê hdroâng kuăn ngo châ lối 90%. Mâu hơnăm hdrối, xua tơdroăng cheăng kâ ối pá puât, tơdroăng hlê ple\ng ‘na luât dêi kuăn pơlê ôh tá tơdâng tơ’mô xua mê xôi luât đi đo, ki má lối cho tơdroăng mot lo ôh tá tro luât ke\n kong têa ê; xo on veăng [a\ kong têa ê; xăm tối xăm tơkêng tơbriât tơnêi tơníu; kếo uâ loăng, chiâ xo kế tơmeăm khoăng tung kơdâm tơnêi ôh tá tro luât; hnê tơdroăng khôp ôh tá tro luât, xôi mâu pơkâ tíu tơkăng kong ….

Klêi kơ’nâi Khu xiâm pơkuâ mô đo#i gâk kring tíu tơkăng kong ai tơdroăng pơkâ ‘’Thăm tơbleăng, hnê hriâm luât ăm kăn [o#, kuăn pơlê kơpong tíu tơkăng kong, rơlố hneăng hơnăm 2013 – 2016’’, kong pơlê Kontum hiăng mơjiâng tơdrêng Khu hnê mơhno pêi pro [a\ tối mơnhên tơdroăng mâu tơdroăng pơtâng tối ‘na luât tung kơpong tíu tơkăng kong. Pôa Lương Văn Huân, Kăn pho\ hnê ngăn Vi[an cheăm Đăk Xú, tơring Ngọc Hồi, cheăm ai lối 10 km troăng tíu tơkăng kong achê [a\ kong têa Lếo tối ăm ‘nâi:

‘’Sap ing ai tơdroăng pơkâ thăm tơbleăng luât ăm kăn [o# kuăn pơlê kơpong tíu tơkăng kong, rơlố hneăng hơnăm 2013 – 2016 châ po rơdâ, tung cheăm, tâi tâng mâi khu cheăng kơvâ cheăng tơru\m [a\ đông mô đo#i gâk kring tíu tơkăng kong [a\ tơdroăng pêi cheăng dêi Đảng ủy, khu kăn pơkuâ hiăng tơku\m pơtâng tối luât troh vâi krâ nho\ng o, ki rơhêng vâ tối cho tơdroăng pơto, tê mơdró liu kế tơmeăm khoăng tơkâ hluâ tíu tơkăng kong hiăng po rơdâ pêi pro tơtro. Hiăng kum vâi krâ nho\ng o thăm hlê ple\ng. Troh nôkố tâng pơchông [a\ tơdế hơnăm 2013 troh hơnăm 2016 kơxo# mơngế xôi kô kơdroh hên’’.

Tung 3 hơnăm pêi pro tơdroăng pưokâ, Khu hnê mơhno tơdroăng tơkêa bro kong pơlê Kontum hiăng rah chêh, tơbleăng 46 đê cương, mơ-éa ki in chư pơtâng tối, tơdroăng xiâm mâu luât, mâu tơdroăng pơkâ nếo tơdjâk troh tơdroăng rêh ối dêi kuăn pơlê kơpong tíu tơkăng kong. Vâ tơdroăng pơtâng tối ‘na luât achê, tơ’lêi hlâu [a\ kuăn pơlê, khu kăn pơkuâ, khu pơkuâ đoân theh [a\ mâu kơ koan cheăng hiăng ai hên túa tơku\m po tu\m têk, tu\m túa, môi tiah: hneăng hôp hnê mơhno, hneăng tơ’noăng ti tăng ple\ng luât; pêi pro tung mâu roh hôp, hôp dêi mâu kơ koan, tíu pêi cheăng, cheăm bêng, koh hmât hlá kơ apoăng măng t^ng; tơbleăng tung loa troh a mâu pơlê; tơpui tơdrêng, teăm tơdrêng mâu tơdroăng ki ối tơvâ tơvân tung kuăn pơlê… Cho môi tung 3 cheăm tíu tơkăng kong tơring Đăk Glei, hdrối nah Đăk Nhoong cho ki tô tuăn má môi ‘na chiâ xo kế tơmeăm khoăng tung kơdâm tơnêi [a\ tơdroăng tơkâ hluâ tíu tơkăng kong ôh tá tro luât. Laga kơnôm pêi tơtro tơdroăng kâu la\k [o# hnê ‘na luât, cheăm Đăk Nhoong hiăng ôh tá ai xếo tơdroăng kố. Pôa A Nang, kăn hnê ngăn Vi [an cheăm tối ăm ‘nâi:

‘’Klêi kơ’nâi 3 hơnăm po rơdâ pêi pro tơdroăng pơkâ, troh nôkố xôi tơkâ hluâ tíu tơkăng kong ôh tá tro luât tung cheăm ôh tá ai xếo, rêi mêa, chiâ xo kế tơmeăm khoăng tung kơdâm tơnêi xuân ôh tá ai xếo. Kố cho tơdroăng mơ-eăm dêi khu cheăng kal kí dêi cheăm ki phá tơ-ê cho kâu la\k [o# kum luât hiăng pêi cheăng rơkê tơtro. Kuăn pơlê hlê ple\ng hên tâ, rêh ối tiô troăng hơlâ dêi Đảng, troăng hơlâ luât dêi tơnêi têa hên tâ’’.

Rơtế [a\ tơdroăng tơbleăng, hnê luât ăm kăn [o# kơpong tíu tơkăng kong tơnêi têa pin, ing tơdroăng tơpui kâ [a\ kong têa ê a tíu tơkăng kong, tơpui [a\ kuăn pơlê, khu mô đo#i gâk kring tíu tơkăng kong Kontum [a\ khu kăn pơkuâ, khu pơkuâ cheăng đoân mâu kong pơlê ối kơhnâ pơtâng tối, tơbleăng luât ăm kăn [o# [a\ kuăn pơlê kong têa pú hmâ. Thie#u tă Phạm Tiến Dũng, cheăng kal kí đông mô đo#i gâk kring tíu tơkăng kong tíu tê mơdró [a\ lâp plâi tơnêi Bờ Y tối ăm ‘nâi:

‘’Đông hiăng đi đo pêi tơtro tơdroăng tơpui kâ [a\ kong têa ê môi tiah tơpui tơno rêm hneăng, ôh tá tơbleăng tối hdrối, tơku\m séa ngăn pơla péa pâ ki rơhêng vâ tối ing mâu tơdroăng môi tiah pro nho\ng o [a\ đông Ko\ng an tíu tê mơdró [a\ ke\n kong têa ê Phu Cua dêi Lếo; pơla thôn Iệc, cheăm Bờ Y [a\ pơlê Phu Cưa dêi Lếo. Đông hiăng pêi pro tơdroăng pơtâng tối tơbleăng luât ăm kăn [o#, khu gâk kring tíu tơkăng kong, kuăn pơlê dêi kong têa pú hmâ ‘nâ tơdroăng pơkâ tíu tơkăng kong [a\ mâu tơdroăng tơpui môi tuăn ki Chin phuh péa tơnêi têa hiăng k^. Pêi kơtăng tiô luât dêi Việt Nam tung tơdroăng troh lăm pôu xuân môi tiah tê mơdró kế tơmeăm khoăng [a\ dêi pó’’.

Vâ tơdroăng pơtâng tối, hnê hriâm luât ăm kăn [o#, kuăn pơlê kơpong tíu tơkăng kong thăm trâu hơhngế, châ tơ-[rê ton xo\n, Khu hnê mơhno tơdroăng pơkâ kong pơlê Kontum thăm hbrâ tơnáu hnê mơhno, séa ngăn, mơhnhôk, séa ngăn teăm tơdrêng mâu tơdroăng dêi 10 kâu la\k [o# hnê mơhno luât, 163 tôh tơleăng, 36 kơtuh ‘măn mơ-éa luât, 17 tôh pơtâng tối ‘na khôi túa le\m tro… Kơnôm mê tơdroăng hlê ple\ng ‘na luât [a\ pêi tiô luât dêi kăn [o#, kuăn pơlê a 101 thôn pơlê, ối tung 13 cheăm tíu tơkăng kong 4 tơring dêi kong pơlê châ mơdêk. Thươ\ng tă Nguyễn Bá Hưng, Kăn pho\ pơkuâ ‘na kal kí Khu xiâm pơkuâ mô đo#i gâk kring tíu tơkăng kong kong pơlê Kontum tối ăm ‘nâi:

‘’Á hlo ai hên hơ’lêh tơtro khât. Mâu ngế ki hdrối nah pro xôi luât xua ôh tá hlê ple\ng ‘na luât, mê nôkố hiăng chu kơdroh hên. Ki nhên môi tiah tơdroăng xo on veăng tá hâi tro hơnăm, prôk lăm tiô luât rak tơniăn troăng prôk [a\ rơxế kơtâu. Rak vế kế tơmeăm khoăng, kong prâi a kơpong tíu tơkăng kong, hiăng hlo châ tơ-[rê nhên khât. Kuăn pơlê hiăng hlê ple\ng hên tung tơdroăng rêh ối [a\ pêi cheăng tiô luât ‘’.

A Sa Ly tơplôu [a\ tơbleăng