VOV4.Sêdang - Rơtế [a\ tơdroăng tơku\m po lêh mơd^ng tơbâ 40 hơnăm tơleăng le#m, kơxê lơ 16 khế 3 a kong pơlê Kon Tum tơku\m po hôp tơpui tơno ‘’Tơdroăng 40 hơnăm tơleăng le#m Kon Tum’’. Sôk ro ki hiăng mơnhông mơdêk dêi Kon Tum klêi kơ’nâi 40 hơnăm tơleăng le#m, mâo kăn ki veăng a tơpui tơno pơrá tối, púi tơngah Đảng [o#, khu râ kăn pơkuâ kong pơlê, khu lêng [a\ kuăn pơlê Kon Tum pơtối mơnhông tâ mê nếo khôi túa kăch măng, pơtối thăm châ tơ-[rê nếo tung mơjiâng [a\ gâk kring tơnêi têa. Teăng mâ rơxông nếo veăng tơpui tơno, ngoh Phạm Như Anh Tuấn, pêi cheăng a tung Đoân droh rơtăm kong pơlê Kon Tum tối: Hâi kố veăng roh tơpui tơno, trâm mâu mố đo#i hneăng hdrối nah, mâu ngế ki veăng tung tơplâ xâ kơtăn kố 40 hơnăm, mê a nếo hlo, mâo miê, mâo meh, mâo tăm, hên ngế hiăng mơ-eăm hên, pleăng dêi ivá, châ chăn mơheăm chhá vâ châ kum pro pơlê pơla, tơnêi têa tơniăn, vâ hâi kố á châ rêh ối tung hơniâp le#m, sôk suâ. Cho mơngế ki hơnăm ối nếo, á đi đo mơ-eăm tâi ivá tơná tung rêh ối, tơdroăng cheăng vâ kum môi iâ tung mơnhông dêi kong pơlê tơná.