VOV4.Sêdang - Kơxo hâi lơ 27 khế 3, tung roh trâm mâ pơ’lăng mơd^ng tơbâ 80 hơnăm hâi mơjiâng khu kuăn pơlê ki veăng gâk kring lơ 28 khế 3 hơnăm 1935 lơ 28 khế 3 hơnăm 2015 xua Khu pơkuâ mố đo#i kong pơlê Kon Tum tơku\m po, khu râ kăn pơkuâ kong pơlê Kon Tum mâu rơxông rơtế 350 ngế kuăn pơlê ki veăng gâk kring ki rơkê kơhnâ dêi kong pơlê, hiăng rơtế dêi pó tơbâ mâu tơdroăng mơnhông mơdêk, [lêi trâng kân dêi khu kuăn pơlê ki veăng gâk kring. 80 hơnăm hiăng hluâ, chôu vế rơkong hnê dêi Poâ Hồ Chí Minh, Kăn xiâm hnê ngăn tơnêi têa hneăng apoăng ‘’Khu kuăn pơlê ki veăng gâk kring [a\ yu kit, cho khu lêng dêi hdrông mơngế, cho khu ki rơkê tung tơplâ, cho khu ki ai hiâm mơno kâi chân, mơ-eăm tung rêm tơdroăng cheăng dêi tơnêi têa’’, khu kuăn pơlê ki veăng gâk kring kong pơlê Kon Tum, ho\ng pơkuâ dêi Đảng đi đo xông kân, châ tơ-[rê tơdroăng, kum tung tơleăng hdrông mơngế, mơjiâng [a\ gâk kring tơnêi têa. Tung péa roh tơplâ xâ vâ châ tơniăn krê hdrông kuăn ngo, môi tuăn tơnêi têa, khu kuăn pơlê ki veăng gâk kring Kon Tum hiăng xông tơplâ xâ 1 rơpâu 200 roh, kơdê [a\ rup rêh vâ chê 4 rơpâu lêng kong têa ê; pe#ng klêh 32 toăng tơ-[ai, rup râng [a\ ‘nhiê hr^ng rơxế lêng kong têa ê. Hên ngế hiăng khên tơnôu tơplâ xâ pleăng dêi châ chăn, mơheăm chhá, khu kuăn pơlê ki veăng gâk kring Kon Tum hiăng châ chêh tung mơ-éa, mơtiah Ngế lêng khên tơnôu dêi kuăn pơlê U Re, Đinh Gió, A Dừa [a\ hía hé. Tung tơdroăng mơjiâng [a\ gâk kring tơnêi têa, khu kuăn pơlê ki veăng gâk kring đi đo djâ troăng ahdrối tung tơdroăng tơ’noăng pâ nhuo#m tơnêi têa, gâk kring, to\ng kum mâu ngế hliăng tiâ, mơjiâng thôn pơlê nếo.

A Sa Ly tơplôu