VOV4.Sêdang – Klêi môi hơnăm hriâm tâp pá puât [ă tơbrêi tơbrêih, rơnó pơtê hriâm troh cho rôh pơtê pơto dêi mâu hok tro, la xuân cho tơdroăng ki tôu tuăn dêi mâu nô, pâ. A kong pơlê Kon Tum, tơdroăng cheăng kâ rêh ối, trâm hên xahpá, mâu tíu xah hêi, tíu ki chía hơniâp ro xuân ti ai hên, hok tro djâ dêi rơpó lăm hum a mâu têa kroăng, têa long mê tơdroăng ki rp-iêu xía vâ ôh tá ‘nâi hdrối. {ai ‘’Kon Tum: Vâi hdrêng [ă tơdroăng ki tôu tuăn a rơnó pơtê hriâm dêi Khoa Điềm, ngế chêh hla tơbeăng cheăng rung Rơ’jiu Việt Nam a kơpong Tây Nguyên ai chêh tối.

Tá hâi teăm châ sôk ro tơdroăng hriâm, klêi kơ’nâi roh mơgêi hriâm dêi péa ngế kuăn, mê nâ Trần Thị Phúc ối a pơlê kân Đak Hà, tơring Đak Hà, kong pơlê Kon Tum pơtối tô tuăn tung rơnó pơtê hriâm dêi péa ngế kuăn kố. A|m dêi kuăn ối to a hngêi xuân hơ-ui há, pơtroh ăm vâi rak ngăn xuân ôh tá hmiân tuăn. Pơlê kân tí ai tíu xah hêi, mâu tíu hnê hriâm mâu môn ki kuăn ‘ne\ng rơhêng vâ hriâm ôh tá ai, xua mê tô tuăn, nâ Phúc tối: Rơnó kố tô ăm kuăn ‘ne\ng xua vâi pơtê hriâm, nôu pâ lăm pêi chiâk ôh ti ai kơbố rak ngăn. Ăm kuăn ‘ne\ng ối a hngêi xuân tô tuăn há. Má péa tung rơnó tô hmâ ai pơrea\ng xông tâ tú, xua mê nôu, pâ tô tuăn.

            {a\ poâ Nguyễn Thành Lập, ối a pơlê Kon Hngo Klah, cheăm Ngọc Bay, pơlê kong kơdrâm Kon Tum tối ăm ‘nâi, mâu nôu pâ rêm hâi lăm pêi chiâk deăng tê, rơnó pơtê hriâm vâi hdrêng ôh tá châ nôu pâ pơkuâ xua mê tơ’lêi chiâng ti loi, ki má lối sap a go pơlê troh mơ’nui pơlê hiăng ai hên tíu xah hêi Internet:Sap hâi ai Internet troh nôkố vâi kuăn ‘ne\ng tơku\m to amê tê. Pơlê ki pêng vâi chu a pơlê pá kơdâm. Pơlê hdrông kuăn ngo chu a pơlê Xuăn. Mê chiâng ôh ti loi nguăn nôu pâ, klêi mê tơku\m 5, 6 ngế. Nôu pâ ôh tá ai ăm liăn, nôu pâ kơtiê, chiâng ai tơdroăng lăm tong kế tơmeăm khoăng vâi ki ê.

            2 hơnăm hiăng hluâ a kong pơlê Kon Tum ai vâ chê 3 rơpâu ngế vâi hdrêng tro rong, tung mê 70 ngế vâi hdrêng hlâ. Xiâm kối xua klâk têa, trâm xâu xía, tro on tơhrik hrik [a\ ai hên ngế trâm tơdroăng kố tơdroăng ki ê tung rơnó pơtê hriâm. Nếo achê kố, xua nôu pâ ôh tá toh chôu rak ngăn, 3 ngế o hok tro a tơring Đak Tô, 3 ngế vâi o a tơring Sa Thầy pơrá hiăng châ 14, 15 hơnăm xo rơxế honđa dêi rơpo\ng pơto dêi rơpó lăm hêi trâm xâu xía pro 4 ngế o hlâ tơdrêng mê. Poâ Vũ Văn Đam, Kăn pho\ pơkuâ [ơrô rak vế ngăn vâi hdrêng, ối tung Khu pơkuâ cheăng pêi, mố đo#i tro rong [a\ rêh ối pơlê pơla kong pơlê Kon Tum tối: Châ pơtê hriâm hngêi trung ôh tá pơkuâ vâi o. Drêng pơcháu mâu vâi o ăm nôu pâ, pơlê rak ngăn, mê vâi o ôh tá châ pơkuâ kơtăng khât, ôh tá pơkuâ ngăn khât vâi hdrêng tung 3 khế pơtê hriâm. Châ pơtê, lăm xah hêi, mâu vâi o lăm hum têa kroăng, lăm hum têa long, tơ’lêi trâm hên xâu xía [a\ vâi hdrêng.

            Môi rơnó tô pơtê hriâm, mê vâi hdrêng ki lâi xuân púi re\ng châ troh, laga mê cho tơdroăng ki tô tuăn [a\ mâu nôu pâ hok tro. Pro tiah lâi vâ kuăn ‘ne\ng pin klêi kơ’nâi môi hơnăm hriâm tơbrêi tơbrêih, châ pơtê, châ xah hêi tơtro, xua mâu vâi hdrêng rơhêng ‘nâng vâ châ xah hêi, xuân cho môi tơdroăng ki pá vâ châ kum tơniăn tung rơnó pơtê hriâm kố, ki malối a môi kong pơlê kơpong kong ngo môi tiah Kon Tum, tíu ki tơdroăng cheăng kâ rêh ối trâm hên pá puât./.

A Sa Ly tơplôu