VOV4.Sêdang – Khu kăn xiâm tơpui kâ kong têa Mih a hâi lơ 1 khế 5, tiu chơ dêi kong têa kố, tối ăm ‘nâi, tơdroăng ki Sinuâ ai mơjiâng tơmeăm a Biển Đông ôh tá ai pơxúa ki klâi ‘na tơdroăng pro hơniâp le#m tung kơpong, mơhé tơdroăng mê vâ mơjiâng kế ki lâi.

Xông tơpui a hneăng hôp tối tơbleăng, pôa Jeff Rathke, ngế veăng cheăng ăm Kăn xiâm tơpui kâ kong têa Mih tối ‘’Tâng vâ kơdroh tơdroăng ki hơkăng, Sinuâ kal ai troăng prôk ki tơtro, pơtê mơjiâng tơmeăm khoăng a kơpong Biển Đông, athế hdró mơnhên tơdroăng ki tối Troăng 9 tíu, tiô Luât xiâm dêi lâp plâi tơnêi [ă châ tối tung Luât pơkâ ‘na Têa kơx^. Sinuâ xuân kal athế re#ng k^ tơhrâ tiô Luât ki tơpui kâ-pêi pro a kơpong Biển Đông (COC) [ă mâu kong têa kơpong ASEAN’’.

Sinuâ hiăng tối tơbleăng hnoăng ki pơkuâ a Biển Đông vâ chê tâi, tơdâng 90%-kơpong ki châ mơnhên tối cho kro mơdro\ng ‘na têa châu-têa kơxăng, [ă tá kơpong tung dế têa kơx^ dêi mâu kong têa Brunei, Malaysia, Philippines, Việt Nam, ôh tí bê tơmâng Luât xiâm dêi Lâp plâi tơnêi hiăng mơ’no.

‘Na tơdroăng kố, ngế veăng cheăng ăm Kăn xiâm tơpui kâ kong têa Mih tối tiah kố: ‘’Ngin hlo mâu tơmeăm khoăng ki mơjiâng a kopong tơbriât mê tí ai pơxúa klâi ăm tơdroăng pro hơniâp le#m [ă kring vế tơniăn tung kơpong. Mih ôh ti vâ tơmâng tơdroăng klâi tâng lơ kơnôm tơngah thế Mih veăng kum pro tơdroăng a mâu tíu ki kố, xua kố cho môi kơpong ki dế tro tơbriât tơnêi tíu, kơpong têa kơx^ dêi mâu kong têa tung kơpong’’.

Nhat Lisa tơplôu