VOV4.Sêdang - Chin phuh Nhuk nếo tối pơtâng kô veăng rơlo 500 rơpâu dollar vâ kum ăm Khu kăn xiâm pơkuâ ngăn ‘na trếo tik nik dêi khu lâp kong têa-IAEA vâ kum ‘na tơdroăng ki plâ mơdât ‘na pơreăng Ebola ki pro hlâ hên ngế. Hdrối mê, khu IAEA hiăng pơkâ thế kum pơkeăng, tơmeăm khăm pơlât ki xúa kơmăi kơmok ki dâi ing trếo tik nik ăm mâu kong têa ki ối a kơpong châu Phi ki ai tơdjâk troh pơreăng. Teăng mâ khu kăn dêi Nhuk a IAEA, cho pôa Mitsuru Kitano nếo tối pơtâng ‘na tơdroăng pơkâ dêi chin phuh kong têa Nhuk kum 500 rơpâu dollar ăm IAEA. Tiah mê, tâi tâng kơxo# liăn ki veăng kum dêi Nhuk ăm tơdroăng vâ mơdât, pơlât pơreăng Ebola hiăng tâk trôh 580 rơpâu dollar.

Katarina Nga tơplôu