VOV4.Sêdang - Hâi lơ 11 khế 2, đăi tươ\ng Udomdej Sitabutr, kăn pơkuâ lêng kong têa Siam tiâ rơkong kơ-êng dêi mâu ngế chêh hlá tơbeăng ăm ‘nâi, poâ ôh tá ‘nâi ‘na tơdroăng jâ Yingluck Shinawatra, ngế pro xiâm hnê ngăn kong têa Siam hneăng hdrối pâ pơtê pêi cheăng kal kí. Rơtế tung hâi mê, kăn pho\ teăng mâ kong têa Mih a kong têa Siam Patrick Murphy xun tối ôh tá ‘nâi tơdroăng jâ Yingluck Shinawatra hiăng pâ pơtê, xua ai tơdjâk tơdroăng kal kí, hdâ lăm rêh ối a kong têa Mih. Mâu kăn teăng mâ Đảng xua tơnêi têa Siam dêi jâ Yingluck Shinawatra xun tối ôh tá ‘nâi tơdroăng mê. Tơdrêng amê, ngế ki tơleăng krê dêi jâ Yingluck Shinawatra hiăng pơkâ khu lêng [a\ kan sat kong têa Siam ôh tá chiâng pơkuâ kơtăng, lơ pro jâ ôh tá châ rêh ối tơniăn, thế tiu luât pơkâ dêi jâ Yingluck Shinawatra. Pơkâ kố châ tơbleăng klêi kơ’nâi Vi[an kring rak tơniăn tơnêi têa ôh tá ăm phêp jâ Yingluck Shinawatra chiâng hdâ rêh ối a kong têa ê, xua hlo ôh tá tơtro; tơdrêng amê, tơdroăng séa ngăn a rơxế ki pơto jâ Yingluck Shinawatra vêh pôu dêi pơlê xiâm a kong pơlê Chiang Mai.

A Sa Ly tơplôu