VOV4.Sêdang - Xua tơdroăng cheăng pêi phá tơ-ê dêi ko\ng nhân kúa chhá kơxu cho pêi cheăng a kơmăng, mê tơdroăng rak ngăn kuăn ‘ne\ng, ki rơhêng vâ tối cho mâu vâi muăn kuăn cháu dế hriâm râ mâm non trâm hên pá puât. Vâ kum ‘na tơdroăng kố, chât hơnăm kố, {inh đoân 15 hiăng po rơdâ mơjiâng [a\ mơ’no liăn hnê hriâm râ mâm non tung lâp [inh đoân. Klêi kơ’nâi hên hơnăm pêi cheăng, tơdroăng hnê hriâm râ mâm non dêi {inh đoân hiăng pro hên mâu kăn [o#, mơngế pêi cheăng dêi ko\ng ti loi tơngah khât, kuăn pơlê tung thôn pơlê xuân loi tơngah khât. {ai chêh dêi ngế chêh hlá tơbeăng cheăng tung Rơ’jíu Việt Nam a kơpong Tây Nguyên:

            Dế a rơnó kúa xo chhá kơxu, xua mê, sap 5 chôu kơxo má, kô yăo Đinh Thị Quy [a\ chât ngế cô yăo ki ê a hngêi trung mâm non 18 khế 4, Ko\ng ti 72, [inh đoân 15 troh lâm hriâm sap 5 chôu kơxo má vâ tơdah hok tro, vâ nôu pâ hok tro hmiân tuăn lăm kúa chhá kơxu. Cô Quy tối ăm ‘nâi, hnê râ mâm non cho tơdroăng ki tơvâ tơvân, trâm hên pá puât, laga pêi chea\ng tung đông lêng xuân môi tiah {inh đoân 15, mê tơdroăng pá thăm rế trâm hên. Xua chôu hnê hriâm dêi mâu cô ôh tá xê chôu ki tơnêi têa pơkâ troh hnê a lâm, mê châ xêo tiô chôu pêi cheăng dêi ko\ng nhân. Xua mê, mâu cô yăo akố thế xing xoăng dêi tơdroăng cheăng a hngêi, tơdrêng amê thế pâ nhoa#m, rak ngăn mâu kuăn muăn ối ku\n môi tiah dêi kuăn ‘ne\ng xiâm klo klêa dêi tơná, mê nếo kâi pêi cheăng ton xo\n [a\ tơdroăng hnê hriâm râ mâm non. Cô yăo Đinh Thị Quy tối: Xua hnê tiô pơkâ tơdroăng cheăng dêi đông lêng, mê nôu pâ hok tro lăm kúa chhá kơxu sap ing 2 chôu kơmăng. Laga tiah hmâ a mâu hngêi păn roăng vâi hdrêng, mâu cô thế xing xoăng dêi pó râ ngăn a hngêi trung, tơdah mâu muăn sap ing 5 chôu kơxo má, plâ hâi a lâm troh 6, 7 chôu kơmăng.

            Đặng Thị Lan, mơngế cô pơkuâ hngêi trung mâm non 18-4 tối ăm ‘nâi, nôkố, hngêi trung ai tâi tâng 18 to hngêi trung, mâu cô hnê châ troh 136 ngế cô tơdah rak ngăn ăm lối 1 rơpâu 200 ngế hok tro mâuh yăo sap ing 3 troh 5 hơnăm. Tâi tâng hok tro dêi hngêi trung cho kuăn ‘ne\ng dêi mâu kăn [o#, ko\ng nhân viên pêi cheăng a ko\ng ti. Vâ tơniăn hnê hriâm tơtro ăm kuăn ‘ne\ng ko\ng nhân, pơla kố nah, ko\ng ti hiăng mơ’no to lâi rơtal liăn vâ mơjiâng hngêi trung, lâm hriâm kân le\m rơdâ, tơdrêng amê to\ng kum liăn kâ, liăn roê  kế tơmeăm khoăng ki hnê hriâm, kế tơmeăm khoăng vâ hok tro châ xah hêi, hriâm rơkê hên tơdroăng. Cô Lan tối: Tâi tâng mâu vâi muăn châ kâ, koi pơtê a hngêi trung. Mâu lâm ki kơdrâm má môi ai sap 4 troh 5 ngế cô pế pơchên kế kâ. Ko\ng ti hiăng mơ’no liăn roê kế tơmeăm khoăng, mơjiâng pro tíu pế pơchên kế kâ, roê kế kâ tiô rêm khế, tiô măng t^ng, tiô rơnó nếo, xua mê cho tơniăn hok tro kâ tu\m trếo kơhiâm.

            Vâ tơniăn tung hnê hriâm, tâi tâng 136 ngế cô a hngêi trung pơrá châ hriâm râ trung câp, sơ câp mâm non. Rêm hơnăm, pák^ng tơdroăng châ hriâm tơdroăng hnê hriâm, mâu cô akố ối veăng hriâm trâu hơhngế ‘na mâu tơdroăng cheăng ki kal dêi {inh đoân ‘na tung rak ngăn vâi hdrêng. Mâu hơnăm hiăng hluâ, kơnôm rak vế, pêi pro krâu khât, tơdroăng mơ-eăm tung hnoăng cheăng, hngêi trung châ ko\ng nhân tung ko\ng ti loi tơngah khât, mê kuăn pơlê tung thôn pơlê xuân loi tơngah há. Đăi tă Nguyễn Đình Giáp, kăn pơkuâ hnê ngăn cheăng Đảng dêi ko\ng ti 72 tối ăm ‘nâi: Klêi kơ’nâi mơnhên ngăn dêi tơring Đức Cơ, kong pơlê Gia Lai, mê ‘na kế tơmeăm rêh kâ ối [a\ ‘na hiâm mơno pơrá châ mơnhông tơtêk tơtro le\m tơxâng akố. Pơla kố nah, mâu muăn 5 hơnăm hriâm lâm 1, tâi tâng pơrá tơniăn. Kuăn pơlê tung thôn a kố xuân pơtroh dêi hên kuăn ‘ne\ng lăm hriâm. Pak^ng mê, xua tơdroăng pá puât, ngin tá hâi châ tơdah ‘mot vâi hriâm xua ai hên tơdroăng ki pá phá xêh dêi nho\ng o ko\ng nhân. Ngin pói tơngah, mâu khu râ, kơvâ cheăng athế  tơmâng vâ mơ’no liăn tơ’nôm, vâ thăm mơjiâng hngêi trung mâm non thăm rế kân rơdâ, ai tu\m têk kế tơmeăm a tíu ki đông lêng ki ai lâm hnê kuăn muăn hriâm kố.

            Rơtế tơru\m pơla khu lêng, xivil a lâp lu a mâu thôn, pơlê tíu dêi đông lêng, mê tơdroăng hnê hriâm mâm non akố cho mơnhên ‘na rak ngăn tơdroăng rêh ối ăm mâu ngế pêi cheăng a {inh đoân 15, ối tung Khu xiâm pơkuâ lêng.

A Sa Ly tơplôu [ă pơchuât