VOV4.Sêdang - Ko\ng ti pêi cheăng tiô rơnó kơxo# 75 ối tung {inh đoân 15, Khu xiâm pơkuâ lêng cho môi tung mâu đông lêng pêi hnoăng cheăng kâ a kơpong tíu tơkăng kong Gialai. Nôkố, ko\ng ti kố dế pôu râng hnoăng cheăng rak ngăn, kúa chhá kơxu [a\ pro khăng chhá kơxu, rak ngăn vâ chê 8 rơpâu hectar kơxu, kơphế, tăng cheăng pêi ăm lối 3 rơpâu 200 ngế ko\ng nhân. Pá k^ng tơdroăng pêi pêt, tê mơdró, ko\ng ti ối tơtro\ng troh tơdroăng rêh ối pơlê pơla, vâ pro kuăn pơlê loi tơngah khât, tơniăn tơdroăng gâk kring a tíu tơkăng kong.

            Tung tơdroăng tơpui hâi kố, ngin ai tối mâu tơdroăng châ tơ-[rê dêi đông lêng tung mơjiâng cheăng kâ-rêh ối pơlê pơla, tơniăn chea\ng lêng-gâk kring, [a\ hlối kơ-êng Trung tă Đặng Quang Dũng, Kăn pơkuâ hnê ngăn cheăng Đảng, Kăn pho\ ko\ng ti kơxo# 75, ‘na túa ki rơkê tơtro châ tơ-[rê dêi đông lêng.

            Cho đông lêng ai hnoăng pêi cheăng kâ a 2 tơring tíu tơkăng kong Đức Cơ [a\ Ia Grai dêi kong pơlê Gia Lai, mâu hơnăm hiăng hluâ, rơtế [a\ tơdroăng pêi hnoăng cheăng tê mơdró, Ko\ng ti pêi cheăng tiô rơnó môi khu kơxo# 75, ối tung {inh đoân 15 hiăng đi đo rak ngăn tơdroăng rêh ối pơlê pơla a tơring a chê đông. Tơdroăng kố châ mơhno tung hên kơvâ cheăng, ki má lối tung mê cho tơdroăng pêi cheăng dêi Khu pơkuâ Đoân droh rơtăm a đông lêng. {ai chêh dêi ngế chêh hlá tơbeăng Rơ’jíu Việt Nam kơpong Tây Nguyên ai mơnhên ‘na tơdroăng mê:

            Khu lêng pêi cheăng kơxo# 6, Ko\ng ti pêi cheăng tiô rơnó môi khu 75, ối tung {inh đoân 15 ai lối tơdế tung kơxo# 180 ngế pêi cheăng cho đoân viên droh rơtăm. Hnoăng cheăng xiâm dêi khu cho pêt, rak ngăn, kúa chhá kơxu drô 5 thôn pơlê tíu tơkăng kong dêi tơring Đức Cơ, kong pơlê Gia Lai. Rơnó kố cho rơnó kúa chhá kơxu, laga drêng khu pơkuâ Đoân droh rơtăm mơhnhôk pleăng mơheăm, mê ai lối tơdế kơxo# đoân viên hiăng veăng pleăng mơheăm. Mê cho mơhno tơdroăng ki le\m tro, ối mơhno hnoăng cheăng djâ troăng ahdrối dêi rơxông hơnăm ối nếo dêi ko\ng ti. Nâ Hoàng Thị Hảo, Kăn pơkuâ hnê ngăn Đoân droh rơtăm ki pêi cheăng kơxo# 6, tối: Chi đoân xuân hiăng pơtâng tối vâ mâu đoân viên, droh rơtăm tung chi đoân hlê ple\ng ki pơxúa dêi tơdroăng pleăng mơheăm môi tiah lâi: Pleăng ăm môi kơto mơheăm, mê kum mơngế rêh. Klêi kơ’nâi mơhnhôk hiăng ai 20 ngế đoân viên veăng pleăng mơheăm, [a\ ‘nâi pôu râng dêi hnoăng cheăng tơná.

            Pôu râng hnoăng cheăng, pêi lối 243 hectar kơxu hiăng châ kúa xo chhá a 2 pơlê, mê cho pơlê Míp Dép [a\ pơlê Ia O, tơring Ia Grai, kong pơlê Gia Lai, rêm hơnăm khu pêi cheăng kơxo# 19, ko\ng ti 75 châ pơcháu rak ngăn, kúa châ lối 1 rơpâu ta#n chhá kơxu ki tá hâi khăng [a\ lối 100 ta#n chhá kơxu ki hiăng khăng. Drêng pá puât, xua yă kơxu chu rơpâ, hnoăng cheăng kố cho ôh tá tơ’lêi hlâu. Laga, khu pêi cheăng kơxo# 19 cho khu ki pêi kêi đeăng hnoăng cheăng [a\ tơkâ hluâ tiô pơkâ tung hên hơnăm pơtối. Châ tơ-[rê mê, ai hnoăng kân k^n, mê cho kơhnâ pêi cheăng, tơ’noăng tung pêi cheăng, thăm rơkê pêi cheăng dêi mâu đoân viên droh rơtăm tung khu pêi cheăng. Trung u\i Trịnh Văn Thìn, Kăn pơkuâ hnê ngăn chi đoân pêi cheăng kơxo# 19 tối: Vâ ‘nâi teăm tơdrêng mâu ngế droh rơtăm ki tá hâi ‘nâi pêi cheăng, mê khu pơkuâ chi đoân ‘nâi [a\ pơcháu mâu ngế ki pêi cheăng rơkê hnê mâu ngế ki mê, tơdrêng amê tơbleăng [a\ đông. Tâng tung pái khế, u ối mơngế ki pêi cheăng tá hâi chiâng, đông lêng kô pơtối hnê teăm tơdrêng.

            Nôkố, Ko\ng ti pêi cheăng tiô rơnó môi khu 75, ối tung {inh đoân 15 ai 24 chi đoân [a\ lối 1 rơpâu ngế đoân viên, châ lối 1 kơpêng 3 khu ngế pêi cheăng dêi ko\ng ti. Kố châ ngăn cho khu ki djâ troăng hdrối tung tơdroăng pêi cheăng a tơring, tơdrêng amê xuân cho khu ki ai veăng kum kân k^n tung pêi cheăng kâ dêi đông lêng. Mâu hơnăm hiăng hluâ, Đoân viên droh rơtăm dêi ko\ng ti kơhnâ veăng mâu tơdroăng, môi tiah ‘’Droh rơtăm kơvâ cheăng lêng mơ-eăm tung pêi cheăng’’, ‘’Droh rơtăm kơvâ cheăng lêng pêi cheăng xúa khoa ho\k kơmăi kơmok tung rơxông nếo’’, [a\ roh tơ’noăng ‘’Têa kơx^ tơnêi têa [a\ khu lêng gâk kring drô têa kơx^ hơnăm 2015’’.

            Tung hơnăm 2015, đoân viên droh rơtăm ko\ng ti hiăng pêi pro tơdroăng to\ng kum 10 rơpâu ngế. Tiah mê, 1 rơpâu khu droh rơtăm ki djâ troăng hdrối hiăng lăm kơ-êng [a\ hơbruô kế tơmeăm ăm 47 ngế vâi hdrêng chó chêng, tơvê ko\ng, vâi hdrêng tro trếo ‘mêi dioxin ai tơdroăng rêh ối trâm hên pá puât, klăng roh leh têt; tơru\m tơku\m trâm mâ, khe\n kơdeăn, hơbruô kế tơmeăm khoăng ăm vâ chê 400 ngế hok tro ki rơkê a tung pơlê pơla.

            {a\ mâu tơdroăng pêi ki pơxúa dêi tơná, khu pơkuâ Đoân droh rơtăm a Ko\ng ti pêi cheăng tiô rơnó môi khu kơxo# 75 dế pêi cheăng krá tơniăn tâ mê nếo, tơru\m pơla đông lêng [a\ kuăn pơlê tung pơlê pơla, tơdrêng amê, mơhno hnoăng cheăng djâ troăng ahdrối, ôh tá xêo trâm pá, mơ-eăm tơkâ hluâ pá puât, kum mơjiâng tơnêi tíu tơkăng kong rế hía rế kro mơdro\ng, tơniăn le\m.

Vâ vâi krâ-nho\ng o [ă khu mô đo#i ‘nâi klê nhên mâu tơdroăng ki ai hnoăng, tơdroăng cheăng [ă pơkâ mâu tơdroăng pêi chiâk deăng, tê mơdró kâ dêi khu đông, kơ’nâi kố, pó vâi krâ-nho\ng o kô tơmâng roh êng pơla ngin [ă Trung tă Đặng Quang Dũng, Kăn pơkuâ hnê ngăn Đảng ủy, Kăn pho\ pơkuâ ngăn Kong ti pêi cheăng tiô rơnó môi tung khu cheăng kơxo# 75, Binh đoân 15.

           Êng: Ô pôa, pâ êh pôa tối ăm ngin ‘nâi môi iâ ‘na tơdroăng ki ai hnoăng kân ki đông lêng hiăng châ chiâng pêi pro tung mâu khế hơnăm hiăng hluâ?

          Trung tă Đặng Quang Dũng: Kơnôm ai tơdroăng pơkuâ ngăn krá khât dêi Khu kăn pơkuâ ngăn Đảng ủy, Khu kăn pơkuâ ngăn đông Binh đoân 15, tơdroăng ki veăng vâ môi tuăn [ă to\ng veăng dêi khu râ ngăn Đảng, khu kăn pơkuâ a tơring, cheăm, tơdroăng ki tơru\m kơdôu mơ-eăm tơkâ hluâ mâu tơdroăng pá dêi kăn [o#, lêng ki cheăng a kố, mơngế pêi cheăng tung lâp kong ti, mê kong ti hiăng pêi cheăng châ tơ-[rê păng ‘nâng.

          Rêm hơnăm Kong ti đi đo pêi klêi tơdroăng cheăng ki hiăng pơkâ dêi Khu kăn pơkuâ ngăn {inh đoân 15 hiăng pơcháu. Tâng vâ riân rêm hơnăm khu kố pêi lo châ chât rơtal liăn. Đông hiăng pêi pro kơhnâ khât tung tơdroăng tăng rah hdrê pêt ki dâi le\m, pêi lo hên tơmeăm [ă tơmeăm ki pêi mê pơrá dâi le\m (Inâi chhá kơxu ki tê ăm kong têa ê châ tơtro tiô Lâp plâi tơnêi pơkâ). Tâng vâ riân ngăn rêm ko mơngế pêi cheăng hơnăm ki châ hên má môi tung hơnăm 2012 châ 9 rơtal liăn môi ngế môi khế. Mâu hơnăm achê pơla kố, xua tung lâp plâi tơnêi ai tơdjâk xơpá tung cheăng kâ, tê mơdró, yă chhá kơxu chu kơdroh tâ tâng vâ pơchông ngăn [ă tơdroăng ki hmâ tê rêm hơnăm, mê khoh chiâng tơdjâk chiâng pá ăm tơdroăng cheăng kâ tê mơdró dêi Kong ti. Ma luâ tiah mê, tơdroăng rêh kâ ối dêi kuăn pơlê xuân ối châ rak vế tơniăn: Hơnăm 2014 ai 5 rơtuh 200 rơpâu liăn 1 ngế 1 khế, hơnăm 2015 châ 4 rơtuh 200 rơpâu liăn 1 ngế 1 khế.

            Rêm hơnăm, xo ing liăn to\ng kum tơchuâm [ă mơhnhôk tâi tâng kăn [o#, mâu lêng, mâu ki cheăng tung đông veăng tơlo vâ mơnhông mơdêk pêi cheăng kâ, rêh ối pơlê pơla, kum kuăn pơlê kơdroh tah kơklêa kơtiê, pêi pro tiô troăng hơlâ ki kum ing hơngế ăm tơdroăng rêh ối, pêi cheăng dêi khu lêng, to\ng kum kuăn pơlê ai tơdroăng cheăng pêi. Troh nôkố, 19 khu pêi cheăng hiăng pro nho\ng o [ă 49 to thôn pơlê a 6 to cheăm, 1 pơlê kân, 764 rơpo\ng kong nhân mơngế Xuăn ki tơru\m pơla mâu rơpo\ng [ă 764 rơpo\ng hdroâng kuăn ngo a kố veăng kring vế tơniăn tơdroăng rêh kâ ối kuăn pơlê, pêi lo thăm hên kế tơmeăm, hiâm mơno kuăn pơlê rế hía rế hloh hlê rơkê ple\ng.

         Êng: Cho đông ki hiăng ai hên hnoăng tung pêi chiâk deăng, tê mơdró kâ xuân môi tiah hiăng kum hên ăm kuăn pơlê châ rêh ối tơniăn, mê tơdroăng cheăng mơjiâng Đảng hiăng châ Đảng [o# Kong ti 75 pêi pro môi tiah lâi ô pôa?

          Trung tă Đặng Quang Dũng: Tung plâ 32 hơnăm hiăng hluâ, Đảng [o# đi đo ngăn khât tơdroăng mơjiâng Đảng, thăm mơnhông ‘na tơdroăng hnê tối, pơtâng khe\n, hnê mơhno cheăng kal kí ăm hiâm mơno rêm ngế kăn [o#, mâu ki pêi cheăng; veăng kum mơhnhôk tơdroăng cheăng Đảng thăm rế ai ivá vâ kâi pơkuâ [lêi chiâng hnoăng hnê ngăn, ivá tơplâ dêi khu pơkuâ ngăn Đảng, pêi kơhnâ khât tơdroăng ki mơjiâng khu kăn pơkuâ ngăn Đảng [ă hnối mơjiâng khu râ ki kâi trâng, krá tơniăn vâ pơkuâ ngăn đông, tăng rah mơngế rơkê kơhnâ mot đảng viên, xuân pêi pro tá tơdroăng ki mơjiâng khu kăn [o# ki rơkê păng ‘nâng. Tá troh nôkố, tâi tâng Đảng [o# ai 36 Chi [o#, ai 427 ngế đảng viên, tung mê, ai 21 Chi [o# ai râ Đảng, kơxo# Khu kăn Đảng pơkuâ ai 13,10%. Đảng [o# hiăng châ Khu kăn xiâm Đảng lêng diâp hlá cơ Đảng [o# ki rơkê kơhnâ tung plâ 10 hơnăm pơtối.

          Tơkâ hluâ 32 hơnăm mơjiâng [ă mơnhông mơdêk, mâu khu kăn pơkuâ dêi Ko\ng ti hiăng mơjiâng môi khu Đảng, Chi [o#. Mê Đảng [o# đi đo rak vế krá tơniăn hiâm mơno cheăng dêi Kăch măng, pơtối châ hriâm rơkê ple\ng mâu troăng hơlâ dêi Đảng, mâu hlá mơ-éa pơtroh dêi khu râ kơpêng, vâ thăm mơjiâng hnoăng cheăng Đảng [o# [ă đông krá tơniăn.

          Đảng [o# hiăng ngăn khât tơdroăng ki pơkuâ ngăn, hnê tối [ă to\ng kum tơ’lêi hlâu vâ khu pơkuâ ngăn kuăn pơlê pêi cheăng châ tơ-[rê, ‘ló hnoăng cheăng, hnoăng pêi pro.

            Êng: Vâ pơtối pêi pro mâu hnoăng cheăng ki hiăng châ chiâng pêi pro, tơdrêng amê, hnối krá tơniăn ăm tơdroăng vâ tơkâ hluâ mâu tơdroăng xơpá a pá ngiâ, tung la ngiâ, Kong ti 75 kô pơkâ pêi pro mâu hnoăng cheăng ki klâi ô pôa?

          Trung tăng Đặng Quang Dũng: Vâ khoh châ chiâng pêi pro mâu tơdroăng ki mê, Đảng ủy, Khu kăn pơkuâ ngăn Kong ti hiăng mơnhên tối: Hnê tối i nhên, krâu khât mâu tơdroăng pơkâ dêi Đảng, thăm mơnhông ‘na tơdroăng hnê tối ‘na cheăng kal kí, hiâm mơno ăm mơngế pêi cheăng, pro ăm rêm ngế kăn [o#, mâu lêng hlê ple\ng nhên, tơtro tiô hnoăng cheăng athế pêi pro dêi đông. Ing mê, hnối vâ veăng hơlêm, mơhnhôk drêng Kong ti trâm tơdroăng pá.

          Pơtối mơnhông mơdêk pêi cheăng kâ kho\m châ liăn tơkâ. Pêi pro le\m tro mâu hnoăng cheăng tơ’noăng tung pêi chiâk pêi deăng [ă hía hế. Tơku\m mơnhông ‘na tơdroăng ki tăng rah mơngế ki rơkê kơhnâ, ‘nâi xúa mâu tơdroăng ki rơkê dêi khoa hok kih thuât tung pêi chiâk deăng, tê mơdró kâ; To\ng kum ngăn khât ‘na tơdroăng rak vế ngăn tơdroăng rêh kâ ối dêi kuăn pơlê ki pêi cheăng, kring vế tơniăn ăm tơdroăng hnê mơhnôk, hơlêm tối [ă hnê djâ pêi pro mâu tơdroăng cheăng ki ai pơxúa ăm kuăn pơlê; Tơru\m tơrôa dêi pó, pơtối tơru\m cheăng [ă khu kăn pơkuâ ngăn Đảng, khu kăn pơkuâ tơring, cheăm veăng kring vế tơniăn cheăng kal kí, rak vế ki tơniăn ăm tơdroăng rêh ối pơlê pơla ki ối tâ tá achê kơpong kố, hnê mơjiâng ăm hiâm mơno kuăn pơlê ‘nâi hbrâ tơnáu xêh mâu tơdroăng ki vâ tơplâ ‘nhê [ă khu ‘mêi, kho\m mơ-eăm mơnhông Đảng [o# dêi đông châ pêi pro klêi hnoăng cheăng hiăng pơcháu.

           Hôm. Mơnê pôa hiăng tơpui tơno [ă ngin.

Nhat Lisa prế A Sa Ly tơplôu [ă pơchuât