VOV4.Sêdang - Troh nôkố, hên têa kroăng rơchôa a kong pơlê Dak Lak hiăng siâ. Deăng pêt loăng plâi hiăng tro khăng kho a kong pơlê kố  hiăng tâk troh 52 rơpâu ha, tâng xêo ngăn ki lu\p 760 rơtal liăn. Tối tơbleăng ‘na tơdroăng hbrâ ví vâ kơdroh kong tô kô ối ton, tá mâu khu râ kăn [ă kuăn pơlê a Dak Lak dế tơku\m ivá tăng têa vâ mơ’rêh dêi mâu hdrê loăng pêt. Tiu xêo ngăn dêi khu ngăn ‘na chêk deăng mơnhông mơdêk thôn pơlê kong pơlê Dak Lak, xêo sap lơ 27 khế 3, 25 rơpâu ha hdrê loăng pêt a kong pơlê kố dế tro khăng kho, tung mê báu klâng hlâ tâi vâ chê 800 ha. Vâ chê 20 rơpâu ha kơphế châ 10% deăng pêt kơphế dêi kong pơlê kô ôh tá ai plâi xua ôh tá ai têa. Mâu tơring ki tro kong tô mơdrăng ó má môi cho Krông Năng, Ea Kar, Krông Ana, Ea Hleo, [ă Krông {uk. Dâng 3 rơpâu rơpo\ng kuăn pơlê a mâu tơring kố dế trâm pá ôh tá ai têa vâ ôu kâ hum roh jío. Nôkố, kơdró têa a mâu kroăng, rơchoâ a Dak Lak dế siâ ó. Hên mâu têa kroăng hiăng siâ, mơtiah kroăng Krông Năng, têa Krông Pa], têa Ea Tul, têa Ea Hleo. Tiu tối tơbleăng hdrối dêi Khu ngăn ‘na rơxôh kong prâi Dak Lak ăm ‘nâi, kong tô mơdrăng ối ton 1 khế la ngiâ ah nếo, [ă kô tô mơdrăng ó tâ. Hlo tiah mê, Vi[an kong pơlê Dak Lak hiăng hnê mơhno ăm mâu tơring hbrâ rơnáo, mơhnhôk hên khu râ pêi pro 4 tơdroăng amê vâ pêi pro tơdroăng ví khăng khoăng. Pak^ng mâu tơdroăng hrik têa tôh, to\ng kum têa châu, tơniăn ‘na on tơhrik ăm kuăn pơlê vâ hrik têa tôh báu loăng plâi, mâu kơvâ cheăng dêi kong pơlê thế mơdêk hnê tối ăm kuăn pơlê xúa têa tơtro; hbrâ tí tăng ‘nâi ple#ng mâu tơdroăng vâ teăm to\ng kum kế kâ pôi tá ăm kuăn pơlê châ kơklêa.

Gương tơplôu

Têa Krông Năng hiăng siâ ó.

Long têa xuân hiăng siâ ó.