VOV4.Sêdang - A Kontum hlo ai nếo mâu ngế tro hơ-ou xua kâ kơxêt kôk pro 3 ngế tung môi rơpo\ng hngêi mê thế mot pơlât tơdrêng a hngêi pơkeăng.

Tơdroăng tro hơ-ou xua kâ kơxêt kong hlo ai a hâi lơ 30 khế 5, a môi rơpo\ng ngoh A Iếc, pơlê Ri Mẹt, cheăm Đak Môn, tơring Đak Glêi. Klêi rơpo\ng hngêi kâ hmê a kơxo kâ kơxêt kong ki hnêi tung kơdrum, dâng 1 chôu klêi kâ kơxêt, tu\m 3 ngế mê cho ngoh A Iếc 42 hơnăm, ngoh a Dui 37 hơnăm, [ă nâ Y Dơm 45 hơnăm xuân tâ pôu pr^ng ko, hêng hêa [ă châi klêa râ. Klêi rơpo\ng hngêi djâ mot tung veăng khăm pơlât a cheăm Đắc Môn pơlât tơdrêng, péa ngế ki tro hơ-ou ó cho ngoh A Dui [ă nâ Y Dơm châ vâi djâ pơlât a hngêi pơkeăng kân kong pơlê Kon Tum. Troh kơhâi dế hâi hnah, mơhé xuân ối tâ châi klêa tâ tá klo, châi ko, pôu pr^ng ko, hêng hêa la hlo prếi hiăng vâ tơleăng. Hdrối mê xuân a tơring Đak Glêi, a hâi lơ 25 khế 5, a pơlê Nú Vai, cheăm Đak  K’roong hiăng ai mâu ki tro hơ-ou kâ kơxêt kong pro 5 ngế tung môi rơpo\ng hngêi thế mot pơlât tơdrêng a hngêi pơkeăng.

Gương tơplôu [ă tơbleăng