VOV4.Sêdang - Pêi pro tiô tơdroăng vâ to\ng kum vâi ‘ne\ng kơtiê troh hriâm a hngêi trung, drêng mot tung hơnăm hriâm nếo, mê kơxo lơ 15 khế 9, a pơlê kong kơdrâm Kontum, Khu to\ng kum mâu ngế chó cheâng tơvê ko\ng [ă vâi ‘ne\ng kuăn tê kong pơlê Kontum tơkuăm diâp 100 toăng rơxế mái ăm vâi hdrêng chó cheâng tơvê ko\ng [ă vâi ‘ne\ng kuăn tê.

Mâu vâi o hok tro pơlê kong kơdrâm Kontum châ xo rơxế mái

          Ai 100 ngế vâi ‘ne\ng hok tro râ má môi, râ má 2 châ Khu to\ng kum mơngế chó chêang tơvê ko\ng [ă vâi ‘ne\ng kuăn tê kong pơlê Kontum hbruô rơxế mái pơrá ai tơdroăng ki rêm hâi athế prôk cheâng hơngế vâ troh a hngêi trung. Ki malối, ai mâu vâi o ki ‘nâ athế prôk cheâng sap 3 troh 5 km. Tơdroăng ki hbruô 1 toăng rơxế mái, kơnâ 1 toăng rơxế ai 1 rơtuh 500 rơpâu liăn cho tơdroăng ki hơ-ui kum tơdrêng [ă ai pơxúa khât [ă mâu vâi o drêng troh mâu hâi apoăng mot hơnăm hriâm nếo. Tơdrêng [ă tơdroăng hbruô rơxế mái, drêng kố, Khu to\ng kum mơngế chó cheâng tơvê ko\ng [ă vâi ‘ne\ng kuăn tê dêi kong pơlê Kontum xuân hiăng diâp 30 hnoăng liăn, rêm hnoăng kơnâ 2 rơtuh liăn ăm mâu vâi o hok tro cho kuăn ‘ne\ng dêi rơpo\ng ki tro hơbáu jâi [ă ai tơdroăng rêh ối pá puih.

Nhat Lisa tơplôu [ă tơbleăng