Hà Nội, lơ 07 khế 02 hơnăm 2016

RƠKONG RƠKÂU TÊT

(Rơnó hơngui Bính Thân hơnăm 2016)

Ô vâi krâ-nho\ng o, pú hmâ, mâu lêng tung tơnêi têa pin [ă kuăn pơlê pin ki ối a kong têa ê!

Drêng troh hâi tơdah rơnó hơngui Bính Thân hơnăm 2016, á mơjo pâ pơtroh pó vâi krâ-nho\ng o, pú hmâ, mâu lêng tung lâp tơnêi têa, kuăn pơlê pin ki rêh ối a kong têa vâi ê, nho\ng o ki rêh ối, cheăng kâ, hriâm tâp a Việt Nam rơkong ki tơpui pơtroh hơniâp ro [ă rơkong rơkâu hơnăm nếo le\m tro má môi. Á xuân pơtroh ăm ăm vâi krâ-nho\ng o tung lâp plâi tơnêi, pú hmâ kong têa vâi ê hiâm mơno ki tơru\m tơroâ, nho\ng o dêi kuăn pơlê Việt Nam.

Tung chôu phut ki hơ’lêh ki phá tơviah kố, pin koh nhoa#m mâu vâi krâ-pâ pôa hiăng to lâi rơxông hiăng mơjiâng, mơnhông tơnêi têa, troh a Pôa Hồ [ă mâu ngế khên tơnôu, mâu ngế ki hiăng hlâ xua vâ kring vế tơniăn, hơniâp ro, ru\m môi hiâm mơno, thăm mơnhông mơdêk tơdroăng rêh ối, kum dêi tơnêi têa tơniăn chiâng môi, ai hnoăng pơkuâ ngăn dêi lâp tơnêi têa, chông djâ tơnêi têa mot tung rơxông nếo [ă ai hên mâu tơdroăng ki nếo.

Pin dế rêh ối tung rơxông lâp plâi tơnêi ai pơkâ mâu tơdroăng nếo [ă tơru\m hên [ă mâu kong têa vâi ê ai hên tơdroăng ki hơ’lêh, ai tá tơdroăng ki tơ’lêi hlâu xuân ai tá tơdroăng ki pơloăng mơnúa. Tung tơnêi têa, pak^ng mâu tơdroăng, hnoăng cheăng ki hiăng châ chiâng pêi pro, pin xuân ối ai hên mâu tơdroăng cheăng pro ti lâi vâ khoh mơjiâng tơnêi têa pin kro mơdro\ng, kring vế krá tơniăn tơnêi têa ki krá kâk, tơxâng [ă mâu rơxông pâ pôa, [ă pêi pro klêi dêi hnoăng cheăng ăm kuăn cháu la ngiâ.

Rơnó hơngui kố, cho rơnó hơngui ki apoăng pêi pro tiô tơdroăng pơkâ dêi Hneăng hôp kân mâu kăn lâp tơnêi têa roh má XII dêi Đảng, á krếo thế tâi tâng kuăn pơlê, mâu lêng tung lâp tơnêi têa, kuăn pơlê pin a kong têa ê pơtối kơdôu mơ-eăm, pơtối mơnhông mơdêk hiâm mơno rơkê, hiâm tuăn kâi chân, pêi pro tiô rơxông hdrối nah ki mơjo pleăng hnoăng ăm tơnêi têa, pâ nhoa#m tơnêi têa, khên tơnôu, krá gâk, chân krá dêi hdroâng mơngế, châ re\ng ‘nâi roh ki tơ’lêi hlâu, tơkâ hluâ mâu tơdroăng pá puât, châ [lê trâng hên mâu tơdroăng ki nếo tung roh mơjiâng [ă kring vế tơnêi têa Việt Nam, kuăn pơlê kro mơdro\ng, tơnêi têa ó rơdêi, pêi pro tiô hiâm mơno kuăn pơlê púi vâ, tơdâng tơ’mô, rơkê ple\ng, châ ô eăng tơxâng [ă pú hmâ tung 5 pâ lâp plâi tơnêi.

Koh hâk rơnó hơngui, á rơkâu pâ rêm ngế, rêm hngêi rơpo\ng tung lâp tơnêi têa, kuăn pơlê pin a kong têa ê hơniâp ro, niân nok, [lê chiâng; rơkâu mâu tơdroăng ki le\m tro má môi [ă tơnêi têa pin.

Koh mơnê.

                                                                                                                                            Nhat Lisa tơplôu [ă pơchuât