VOV4.Sêdang - Hâi lơ 31 khế 5 hơnăm 1999, {inh đoân 16 mơjiâng Trung đoân 720 a cheăm Dak Ngo, tơring Tuy Đức, kong pơlê Dak Nông [a\ hnoăng cheăng kâ, cheăng lêng, mơjiâng tâi tâng kuăn pơlê gâk kring a kơpong achê pơla 2 kong pơlê Bình Phước [a\ Dak Nông. Rơtế pêi pro hnoăng cheăng kâ, tơniăn gâk kring, cheăng lêng, Trung đoân hiăng tơru\m [a\ khu kăn pơkuâ kong pơlê rak vế tơniăn 3 pơlê hdroâng kuăn ngo peăng kơnho\ng xe\n ối tung kong pơlê, kum kuăn pơlê mơjiâng pro troăng kân, rơchoâ hno têa, mơjiâng klâng kân [a\ hía hé, vâ mơnhông mơdêk cheăng kâ. Ing mâu tơdroăng pêi kố, thăm tơru\m pơla kuăn pơlê [a\ khu lêng, um méa Pôa Hồ tung hiâm mơno kuăn pơlê đi đo pâ vế.

            Rơpo\ng pôa Ma Seo Páo, ối a pơlê Sín Chải, cheăm Dak Ngo, tơring Tuy Đức, kong pơlê Dak Nông hâi kố tơvâ tơvân krí dêi kơphế. Mâu plâi kơphế hiăng tum têng pêng păm tung plông hngêi. Tung hngêi, alâi xuân pêng păm nếo klêi đôu xo. Pôa Ma Seo Páo hơ’muăn tối, 17 hơnăm hdrối nah, pôa djâ dêi rơpo\ng tiô kuăn pơlê ing Cao Bằng mot ối a Dak Nông muih kong pro chiâk deăng, tơdroăng rêh ối pá puât. Sap hơnăm 2000 troh nôkố, pơlê Sín Chải châ mơjiâng, kuăn pơlê châ xing xoăng tơnêi pêi chiâk deăng, mô đo#i  Trung đoân 720 hiăng kum kuăn pơlê mơjiâng pro hngêi, kuăn pơlê ôh tá ko ‘nhiê kong vâ mơjiâng pro chiâk deăng môi tiah hdrối nah. Châ Mô đo#i kum hdrê pêt, hnê túa pêi cheăng, rơpo\ng pôa Páo hiăng tơdah rak ngăn 1 hectar loăng plâi hôt, pêt 6 sao kơphế [a\ lối 1 hectar alâi. Troh nôkố, rơpo\ng pôa Ma Seo Páo hiăng chiâng môi tung mâu rơpo\ng ki kro mơdro\ng dêi pơlê Sín Chải. Pôa Ma Seo Páo tối:‘’Trung đoân kum liăn mơjiâng pro hngêi, kum tơnêi pêi chiâk deăng, kơdrum hngêi, mơnê hên Trung đoân. Nôkố, Trung đoân xuân kum mơjiâng pro troăng kân. Kuăn pơlê sôk ro ‘nâng, mơnê Trung đoân hên khât ‘nâng’’.

            Pôa Ma Seo Dìn, châ ngăn cho rơpo\ng ki kro mơdro\ng má môi  a pơlê Sín Chải, nếo roê rơxế ôtô kơnâ lối 400 rơtuh liăn, dế pro mơ-éa roê rơxế kân kơnâ lối 600 rơtuh liăn. Pôa Dìn tối ăm ‘nâi, châ Trung đoân 720 to\ng kum hdrê, rơpo\ng hiăng roê tơ’nôm tơnêi, pêt lối 10 hectar loăng plâi hôt [a\ kơphế. Péa hơnăm kố, rơpo\ng pôa Dìn hiăng pêi lo rêm hơnăm vâ chê 1 rơtal liăn, hiăng mơjiâng pro hngêi kân, roê rơxế ôtô kum tung prôk lăm [a\ roê, tê kế tơmeăm khoăng pêi chiâk deăng ăm kuăn pơlê. Pôa Ma Seo Dìn tối:‘’Rơpo\ng xuân pêi cheăng tơ’nôm, roê tơ’nôm xuân châ môi chât to lâi hectar, mê nếo ai kế tơmeăm khoăng ‘măn kơd^ng. Rơpo\ng xuân châ khu lêng [a\ Trung đoân kum hên. Tâng troăng kân hiăng kêi đeăng, mê kô tơ’lêi hên ăm kuăn pơlê, pơto kế tơmeăm khoăng pêi lo ing chiâk deăng kô tơ’lêi hên tâ há’’.

            Pơxiâm mot a pơlê Sín Chải, cheăm Dak Ngo, Trung đoân 720 mơjiâng 1 toăng hngêi tuăn pâ, păn mâu muăn ối ku\n ôh tá ai nôu pâ păn roăng che\m mơ’rêh [a\ mâu vâi muăn ki rơpo\ng hngêi pá puât, tung mê,  ai 5 ngế vâi hdrêng ôh tá ai nôu pâ păn roăng che\m mơ’rêh, klêi kơ’nâi têa kân lân lu a Dak Lak hơnăm 2011. Mâu kuăn ‘ne\ng dêi Trung đoân châ rak ngăn, păn roăng, châ khu mô đo#i rak ngăn ăm châ hriâm tâp. Muăn Sùng Thị Dinh, 14 hơnăm, hok tro lâm 7, cho ngế ki nho\ng tung 5 ngế vâi hdrêng ôh tá ai nôu pâ păn roăng che\m mơ’rêh, hriâm rơkê tâi tâng môn tung hơnăm 2014 – 2015, tối:‘’Ngin muăn châ mâu ngoh, mâu mô đo#i hâk vâ, rak ngăn, kum hriâm tâp. Ngin muăn tối dêi pó kô hriâm tâp rơkê, vâ mơnê hnoăng kân k^n dêi mâu tăm mô đo#i’’.

            Pơlê Sín Chải nah cho tung kong, hơngế hơngo, nôkố hiăng ai on tơhrik troh a pơlê. Mâu hâi kố, kăn [o#, lêng Trung đoân 720 dế rơtế [a\ kuăn pơlê thâ mơjiâng pro troăng kơxu, troăng [ê-tông sap ing tíu xiâm troh pơlê. Pôa Hạng Seo Vảng, krâ pơlê Sín Chải, cheăm Dak Ngo, tơring Tuy Đức sôk ro, tối:‘’Sap ing kuăn pơlê mot akố, klêi kơ’nâi Trung đoân klâ pro 3 pơlê. Tơdroăng rêh ối dêi kuăn pơlê pá puât, kế kâ ôh tá ai ki klâi. Klêi kơ’nâi châ Trung đoân to\ng kum, ăm liăn mơjiâng pro hngêi, to\ng kum hdrê plâi hôt, báu [a\ hía hé ăm kuăn pơlê pêi cheăng. Axoa\ng tơnêi ăm kuăn pơlê, choâ ‘lâng mơnhông tơtêk. Nôkố tơdroăng rêh ối dêi kuăn pơlê hiăng chía tâ hdrối nah. Kuăn pơlê [a\ mố đo#i ru\m môi tuăn [a\ to\ng kum dêi pó tơtro’’.       

A Sa Ly tơplôu [a\ tơbleăng