VOV4.Sêdang - Rôh hôp kơ-êng pôa Cao Đức Phát, kăn xiâm pơkuâ ngăn chiâk deăng [ă mơnhông mơdêk cheăng kâ rêh ối thôn pơlê tơnêi têa pin, mê kơxo lơ 11 khế 6 a Rôh hôp má 9, Kuo#k ho#i hneăng má 13 pro hên kuăn pơlê rơhêng vâ tơmâng. A kong pơlê Gia Lai, Kuăn pơlê tối hôm khât ‘na mâu rơkong kơ-êng ki châng ‘nâi, mơnhên, tơtro [ă tơdroăng ki ai khât a mâu kong pơlê drêng mâu kăn Kuo#k ho#i kơ-êng. Pôa Cao Đức Phát hiăng ai mâu rơkong tiâ mơnhên tro mâu rơkong kơ-êng dêi khu kăn. Laga, tiô kuăn pơlê, mâu troăng rơhlâ ăm kơvâ pêi chiâk pêi deăng Kăn xiâm ngăn chiâk deăng [ă mơnhông mơdêk cheăng kâ rêh ối xuân ối tối mâu tơdroăng ki môi tiah dêi rơpó, kal mơ’no tối mâu troăng rơhlâ pêi pro ki nhên tâ nê nếo.

Kuăn pơlê Dak Lak tối tiah kố, rôh tiâ mơnhên dêi kăn xiâm ngăn chiâk deăng [ă mơnhông mơdêk cheăng kâ rêh ối thôn pơlê ‘na tơdroăng roê ‘mot kế tơmeăm pêi lo ing chiâk deăng tá hâi tơtro. Tá hâi pêi pro tiô tơdroăng ki rơhêng vâ dêi khu kăn Kuo#k ho#i [ă kuăn pơlê. Mơhé, pôa Cao Đức Phát xuân mơnhên tơdrăng hnoăng cheăng [ă mâu tơdroăng ki tôu tuăn cho ngế ki pơkuâ kơvâ pêi chiâk deăng la tá hâi mơ’no tối troăng rơhlâ tơniăn ăm tơdroăng ki tê kế tơmeăm ki pêi lo ing chiâk deăng tối tơdjuôm [ă mơnhông mơdêk krá tơniăn hdrê loăng ki ton hơnăm tối phá xêh.

            Poâ Huỳnh Văn Quốc, ối a kơxo# hngêi 72, troăng Phan Chu Trinh, pơlê kong kơdrâm Kon Tum, kong pơlê Kon Tum tối tơdroăng tơmiât dêi tơná:Tiô á hlo, kăn xiâm ngăn chiâk deăng Cao Đức Phát tiâ bố bối,  tá hâi tiâ mơnhên khât, Athế tiâ mơnhên châng ‘nâi, iâ, tiâ athế tơdrăng mâu tơdroăng ki châ pêi pro, ki tá hâi teăm pêi pro klêi. Mâu tơdroăng ki ngin tơmiât mê Tơnêi têa athế ai troăng rơhlâ, rak ngăn khât, mơdêk ‘na tơdroăng ki pêi chiâk pêi deăng ki nếo tơxup [ă mâu kong têa ki achê. Kăn xiâm ngăn chiâk deăng xuân cho môi kăn xiâm ngăn cheăng kơmăi kơmok [ă tê mơdró athế djâ hdrối môi hvêa chêng, tâng prôk kơ’nâi môi hvêa chêng ôh tá la lâi châ tơ-[rê. Kuăn pơlê meluâ mơ-eăm, mơ-eăm to lâi chât hơnăm nếo, mơhé pêi lo hên kế tơmeăm la tê ôh tá ai yă, kế tơmeăm ôh tá pêi lo hên la yă tê to kơnâ, tiah mê kuăn pơlê ki pêi chiâk pêi deăng gá tơpá khât.

Katarina Nga tơplôu