VOV4.Sêdang - Kơxêi hnah, lơ 19 khế 11, mâu kăn Kuo#k ho#i hôp tơpui tơno a khu, tơpui tơno ‘na tơdroăng tơkêa bro hla mơ-éa Luât pro pơkeăng (‘mâi hơ’lêh) [ă Luât ‘na tơdroăng hôp. Mâu kăn tối tiah kố, mơhé hiăng hluâ 10 hơnăm pêi pro tiô Luât pro pơkeăng, la tơdroăng tê mơdró pơkeăng tung tơnêi têa xuân kơnôm ing hên kong têa ê, rôe ‘mot 90% tơmeăm pro pơkeăng [ă tơdế tâi tâng kơxo# pơkeăng. Tiô kơxo# xêo ngăn, hơnăm 2014, tâng xêo rêm ngế Việt Nam ‘no ai 31 dollar Mih liăn pơkeăng [ă tơdế kơxo# liăn ki mê rôe pơkeăng ing kong têa ê (ki hên [ă yă kơnâ). La lối 180 hngêi kơmăi pro pơkeăng, tung mê ai lối 150 toăng hngêi kơmăi châ mơnhên tối pêi pro pơkeăng tơniăn tiô pơkâ GMP, la hên hngêi kơmăi ku\n pêi pro iâ, ki hên pro pơkeăng rơpâ liăn. Tung pơla mê, xiâm pơkeăng a Việt Nam hên, tá mâu pơkeăng ki kơnâ, le\m la hâi ai troăng hơhlâ pơkâ tơtro mê ki hên kuăn pơlê tí tăng xêh tíu tê ăm kong têa ê. Tiô mâu kăn tối, tơdroăng chêh tung hlá mơ-éa Luât kal mơjiâng mâu tơdroăng pơkâ kum pêi ahdrối [ă thế rơdêi vâ tăng troăng ki tơ’lêi hlâu ăm kơvâ cheăng pro pơkeăng mơnhông mơdêk, ai tiô tơdroăng púi vâ tung tơnêi têa, hnối tê ăm kong têa ê, málối cho pơkeăng ki pro ing rêi hlá loăng, pơkeăng vaccine.

Gương tơplôu [ă tơbleăng