VOV4.Sêdang - Pơtối rôh hôp má 9, kơxêi lơ 28 khế 5 Kuo#k ho#i tơpui tơno ‘na tơdroăng xo, hrê liăn ngân tơnêi têa hơnăm 2013. Tiô tối tơbleăng dêi Chin phuh hơnăm 2013. Tâi tâng kơxo# liăn ngân tơnêi têa ‘no hrê hiăng hluâ 6,6% tâng vâ pơchông [ă kơxo# liăn ki xo tung lâp tơnêi têa. Meluâ  kơxo# ‘no hrê hluâ tơdroăng Kuo#k ho#i ăm phêp cho 5,3%, la mâu kăn xuân tối, ‘no hrê liăn ngân tơnêi têa hơnăm 2013 hiăng pro tro mâu tơdroăng pơkâ pêi hnoăng cheăng Kuo#k ho#i pơkâ tung mâu tơdroăng cheăng, môi tiah pêi pro tiô tơdroăng pơkâ to\ng kum ‘na rêh ối, pơlê pơla, ‘na ‘mâi mơnhông klêi kơ’nâi kong prâi pro ôh tá tơniăn, kring vế pơlê pơla cheăm bêng.

            Ai mâu kăn Kuo#k ho#i pơkâ thế kal mơnhên mâu kơxo# liăn ‘no hrê ki kal ôh tá ai môi tiah tơdroăng tối hdrối hiăng châ Kuo#k ho#i pơkâ, pro tơdjâk troh tơdroăng mơnhông cheăng kâ-rêh ối. Pơtih, kơxo# liăn ‘na hnê hriâm [ă hnê cheăng pêi châ 94,6% tơdroăng tối hdrối; hrê ‘na tơdroăng cheăng khoa hok kơmăi kơmok châ 85,3% tơdroăng tối hdrối; 3 kơpêng 16 tơdroăng pơkâ tơnêi têa ôh tá ai tiô tơdroăng tối hdrối dêi Kuo#k ho#i pơcháu.

Gương tơplôu