VOV4.Sêdang -Kơxê lơ 16/8,  a hngêi hôp Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i pơkuâ hneăng hôp tơpui tơdroăng hbrâ dêi khu kăn Kuô̆k hô̆i Việt Nam veăng hôp hneăng hôp kân Hô̆i đong AIPA - 42 kô tơkŭm po mơ’no tơdrêng tung um tiô troăng hyôh internet a hâi lơ 23 troh 25/8 xua pơtáu Brunei, pro kăn xiâm hnê ngăn AIPA -42 pơkuâ. A hneăng hôp, pôa Vương Đình Huệ  Kăn xiâm hnê ngăn Kuô̆k hô̆i tối nhên thế pơtối rơkê tung pơ’lêh, mơdêk tơ-ƀrê tơdroăng tơpui kâ dêi Kuô̆k hô̆i cho môi tung mâu tơdroăng pêi ki kal pơ’lêh nếo tơdroăng cheăng dêi Kuô̆k hô̆i.

Tơdroăng tơpui kâ dêi Kuô̆k hô̆i thế veăng ‘no hnoăng pêi kân tâ, um méa ƀă ki nhoăm dêi tơnêi têa tung kơpong ƀă lâp plâi tơnêi. Ing tơdroăng ki mê,  Kăn xiâm hnê ngăn Kuô̆k hô̆i thế, mâu kơ koan khu tơrŭm, ma lối cho Vi ƀan tơpui kâ ƀă bơrô Kuô̆k hô̆i, thế mơdêk rĕng tơdroăng ki hbrâ tơniăn tơ-ƀrê mâu tơdroăng veăng pêi dêi khu kăn Kuô̆k hô̆i Việt Nam a hneăng hôp Hô̆i đong AIPA - 42.

Malối, tung pơla pơreăng COVID-19 tâ tú rơ iô môi tiah nôkố, kăn xiâm hnê ngăn Kuô̆k hô̆i tối nhên troăng rơhlâ tơná ‘na tơrŭm cheăng pơla mâu Kuô̆k hô̆i  mâu ngế tung AIPA ƀă mâu kong têa ASEAN tung hbrâ, mơdât pơreăng COVID-19.

Gương tơplôu ƀă tơbleăng