VOV4.Sêdang - Pôa Nguyễn Tấn Dũng, Ngế pro xiâm hnê ngăn Chin phuh nếo k^ pơkâ inâi mâu cheăm ki malối xơpá, cheăm tơkăng kong, cheăm tơniăn tung kơpong ki châ ‘no liăn cheăng dêi tơdroăng 135 hneăng hơnăm 2016-2020. Tiah mê, lâp tơnêi têa ai 2 rơpâu 275 to cheăm ối tung 48 to kong pơlê, pơlê kong kân châ xo kơxo# liăn ‘no cheăng ing tơdroăng kố [ă tâi tâng kơxo# liăn ‘no dâng 21 rơpâu rơtal. Kơxo# liăn ing tơdroăng kố kô to\ng kum kuăn pơlê ‘na hdrê pêt, hdrê păn vâ mơnhông mơdêk cheăng kâ, mơdêk ivá cheăng ăm kăn [o# pơlê, cheăm [ă kuăn pơlê ‘na rak ngăn pêi pro tơdroăng [ă mâu troăng hơlâ to\ng kum hdroâng kuăn ngo, mơjiâng hngêi trăng, troăng klông ki kal. Kong pơlê Lâm Đồng ai 32 to cheăm ki malối xơpá ối tung tơdroăng ki châ ‘no liăn cheăng dêi tơdroăng kố, mê cho: Lạc Dương ai 3 to cheăm, Đức Trọng ai 4 to cheăm, Lâm Hà ai 2 to cheăm, Dam Rông ai 7 to cheăm, Di Linh ai 2 to cheăm, Bảo Lâm ai 6 to cheăm, Dă Huoai ai 3 to cheăm, Dă Teh ai 2 to cheăm [ă Cát Tiên ai 3 to cheăm.

Katarina Nga tơplôu [ă tơbleăng