VOV4.Sêdang - Kơxêi lơ 21 khế 4, a tơring Dạ Huoai, kong pơlê Lâm Đồng hiăng ai môi roh kong mêi príu hnối ai khía jâ kơdo, pro lối 100 toăng hngêi [ă mâu hngêi trung hriâm tro tơtêa kuâ. Kố cho rôh kong mêi príu hnối ai khía jâ kơdo rơvê ki má 2 a kong pơlê Lâm Đồng. Kong mêi príu ton lối 15 phut hnối ai khía jâ kơdo rơvê hiăng plong hluâ pơlê kân Madaguoi [ă cheăm Madaguoi dêi tơring Dạ Huoai, kong pơlê Lâm Đồng a 3 chô kong xêi lơ 21 khế 4.  Pro lối 100 toăng hngêi ối dêi kuăn pơlê tung tơring tro tơtêa kuâ, tung mê ai dâng 30 toăng hngêi tro tơtêa kuâ tâi tâng. Khía jâ kơdo rơvê hiăng pro kơtong mâu trăng on tơhrik ki kân tung kơpong, pro ôh tá ai troăng prôk [ă ôh tá ai on tơhrik tung hên chô. Mơhúa ôh tá ai mơngế hlâ. Drêng kong prâi pro ôh tá tơniăn, khu kăn tơring Dạ Huoai hiăng mơhnhôk mâu ngế lăm kum kuăn pơlê tơkâ hluâ xahpá. Troh 6 chô kong xêi hnah hiăng ai nếo on tơhrik.

Gương tơplôu

Môi toăng hngêi dêi kuăn pơlê a Madaguoi tro tơtêa kuâ.