VOV4.Sêdang - Kơxo lơ 6/8, kong pơlê Lâm Đồng tối ai 4 ngế tâ tú pơreăng cho a kŏng ti pơchoh DWS - Kŏng ti pêi cheăng tiô rơnó vế prế a cheăm Trạm Hành, pơlê kong kơdrâm Đà Lạt. Hdrối mê, lơ 5/8, Hngêi pơkeăng pơlê kong kơdrâm Đà Lạt troh a kŏng ti kố xo túa vâ test rĕng mâu kŏng nhân châ ‘nâi ai 4 ngế tâ tú. Klêi mê, Tíu xiâm séa ngăn mơdât pơreăng kong pơlê Lâm Đồng xo  túa khăm ngăn PRC xuân ăm ‘nâi yương tĭnh COVID-19.

Khăm ngăn kuăn pơlê tung cheăm Trạm Hành, pơlê kong kơdrâm Đà Lạt

Kŏng ti pêi cheăng tiô rơnó vế prế Đà Lạt ai lối 200 ngế kŏng nhân, pơla ki test rĕng ai lối 100 kŏng nhân dế pêi cheăng. Drêng châ ‘nâi ai ngế yương tĭnh, khu râ pơkuâ cheăng hiăng khăm ngăn ƀă djâ vâ chê 90 ngế kŏng nhân  dêi F1 djâ lăm klâ krê tơkŭm, hlối tơbleăng tăng mâu ngế ki tơdjâk troh. Tơdroăng lăm tăng, hdró kơpong vâ mơdât pơreăng dế châ mâu khu râ pơkuâ cheăng kong pơlê Lâm Đồng tơbleăng pêi pro.

Gương tơplôu ƀă tơbleăng