VOV4.Sedang - Kơxê lơ 24/9, khu kăn Kuo#k ho#i kong pơlê Lâm Đồng hiăng ai roh trâm mâ kuăn pơlê a Khu xiâm ngăn ‘na pêi cheăng kong pơlê vâ xo rơkong ki veăng tơpui tối tung kơxop hla mơ-éa Luât pêi cheăng ki ‘mâi rơnêu kô pơtroh ăm Kuo#k ho#i séa ngăn a rôh hôp la ngiâ. A rôh trâm mâ kuăn pơlê, mâu kăn Kuo#k ho#i a kong pơlê Lâm Đồng hiăng tối tơbleăng ‘na roh hôp má 8, Kuo#k ho#i hneăng má 14.

Tiah mê, rôh hôp kô po sap ing hâi lơ 21/10, kô séa ngăn, tối tơbleăng 10 tơdroăng tơkêa luât [ă ăm rơkong veăng tơpui tối ‘na 8 tơdroăng tơkêa luât ‘na mâu tơdroăng cheăng kâ rêh ối pơlê pơla, séa ngăn hên tơdroăng kal ki ê.

Lâm Đồng: Khu kăn Kuo#k ho#i trâm mâ kuăn pơlê hdrối rôh hôp má 8, Kuo#k ho#i hneăng 14

‘Na kơxop hla mơ-éa Luât pêi cheăng ki ‘mâi rơnêu, a rôh trâm mâ kuăn pơlê, mê kuăn pơlê Lâm Đồng tối hên tơdroăng ki rơhêng vâ luât re\ng châ pêi klêi vâ rak vế tro hnoăng [ă ki pơxúa dêi mâu ngế pêi cheăng tung tơdroăng cheăng kâ, tung mê tơdroăng ki ‘mâi rơnêu hơnăm pơtê cheăng, tơdroăng ki pêi tơ’nôm, chôu pêi cheăng [ă pơtê, pơkâ tơleăng tơxup tơbriâp, tơkêa pêi cheăng, liăn khế, pơxâu phak [ă hên ki ê kal athế châ séa ngăn tơtro [ă rêm kơvâ cheăng, tíu pêi cheăng dêi mâu ngế pêi cheăng.

Katarina Nga tơplôu [ă tơbleăng