VOV4.Sêdang - Kơxo lơ 6 khế 5, a tơring Di Linh, kong pơlê Lâm Đồng, jâ Trương Thị Mai, Kăn pơkuâ ngăn Tíu xiâm Đảng, Kăn xiâm pơkuâ khu hnê mơhnhôk cheăng Tơnêi têa rơtế [ă mâu ngế ki chêh inâi vâ mot cheăng a tíu cheăng tâ ph^u kơxo# 2 dêi kong pơlê Lâm Đồng hiăng trâm mâ lối 500 ngế kuăn pơlê a tơring Di Linh. A rôh trâm mâ kuăn pơlê, klêi kơ’nâi tơmâng mâu ngế ki chêh inâi vâ to pro kăn cheăng tung Kuo#k ho#i hneăng má 14 tối tơdroăng dêi tơná vâ pêi pro, kuăn pơlê ối a 11 to cheăm dêi tơring Di Linh, kong pơlê Lâm Đồng hiăng loi tơngah kân khât ‘na hnoăng cheăng, hnoăng pơkuâ dêi mâu kăn ki chêh inâi vâ mot cheăng. Tơdrêng amê hnối tối, rơhêng vâ mâu kăn drêng châ pôk kô teăng mâ ăm rơkong tơpui [ă hnoăng pơxúa ăm kuăn pơlê tung pơkâ tơleăng mâu tơdroăng ki oh tá tơniăn dêi cheăm. Mê cho, mâu tơdroăng ‘na rak tơniăn rêh ối pơlê pơla, kơdroh tah hrâ mơnguâ kơtiê xơpá, mâu troăng hơlâ mơnhông mơdêk cheăng kâ rêh ối ăm kơpong hơngế hơngo, kơpong hdroâng kuăn ngo, tơdroăng ki hbrâ mơdât kâ kơhveăm, tăng cheăng pêi, hnê cheăng pêi ăm kuăn muăn cháu chái cho hdroâng kuăn ngo, pro tơ’lêi hlâu ‘na kơxo# liăn tung pêi chiâk pêi deăng [ă hên tơdroăng ki ê.

Katarina Nga tơplôu [ă tơbleăng