Túa pêt plâi tô-mat tung hngêi nhe#ng a Đơn Dương

Tung pơla kố nah, Ko\ng ti on tơhrik kong pơlê Lâm Đồng hiăng thăm mơ’no liăn cheăng [a\ xúa hên kơmăi kơmok rơxông nếo, vâ on tơhrik tơniăn le\m, đi đo ai tơniăn on tơhrik. Ki rơhêng vâ tối cho a rơnó tô khăng khoăng nôkố, on tơhrik kong pơlê Lâm Đồng thăm tơ’nôm 100 kơmăi ki axoa\ng on tơhrik; tơdrêng amê mơhnhôk kuăn pơlê axoa\ng dêi pó tôh kế tơmeăm khoăng, vâ ví tơdroăng tơku\m tôh môi hdroh, on tơhrik ôh tá kâi kơtâu, tơniăn bê on tơhrik vâ hrik têa tôh kế tơmeăm khoăng [a\ kum tơdroăng rêh ối dêi kuăn pơlê. Pôa Nguyễn Văn Dũng, Kăn pho\ pơkuâ Ko\ng ti on tơhrik Lâm Đồng tối ăm ‘nâi, pêi pro tơdroăng pơkâ xiâm mơjiâng kong pơlê Lâm Đồng chiâng kong pơlê pêi chiâk deăng xúa kơmăi kơmok rơxông nếo, kơvâ on tơhrik hiăng hbrâ mơjiâng troăng kơxái on tơhrik 110 KV, 22 KV troh mâu kơpong châ pơkâ; pêi pro túa xing xoăng bê on tơhrik 3 pha ăm mâu rơpo\ng kuăn pơlê [a\ khu tê mơdró pêi pêt kơchâi drêh, reăng, plâi kâ ai xúa kơmăi kơmok tôh kơd^ng, pê hyôh tung hngêi nhe#ng, mơno on bâ eăng tung hngêi nhe#ng: On tơhrik a kố vâi đi đo kal, pơtih on tơhrik vâ mơ’no vâ trâ bâ eăng ăm kơdrum pêt reăng kuk, trâ bâ eăng tu\m túa kơchâi drêh. Tâng ôh tá ai on tơhrik tung môi péa chôu, mê kô tơdjâk troh pêi lo kế tơmeăm khoăng. Xua mê, ngin xing xoăng mơngế ki gâk ngăn, xuân môi tiah hbrâ tơnáu mâu kế tơmeăm khoăng, re\ng rơnêu tâng lơ tơ’nhê on tơhrik. Drêng pơtê, kơdroh mơ’no on tơhrik, mê thế tơbleăng teăm tơdrêng ăm kuăn pơlê, khu tê mơdró vâ vâi hbrâ tung pêi chiâk deăng tơtro má môi.

            {a\ hngêi nhe#ng kân rơdâ 100 hectar, châ tơdế [a\ng tơnêi pêt reăng nôkố, Ko\ng ti reăng Dalat Hasfarm a tơring Đơn Dương nôkố cho môi tung mâu khu pêi cheăng hmâ má môi dêi on tơhrik Lâm Đồng. On tơhrik hiăng kum tung tơdroăng pêi pêt dêi Ko\ng ti, ing tơdroăng kl^ng, lôu hngêi nhe#ng, tơdroăng tôh têa, tơdroăng pê hyôh khía tung hngêi nhe#ng, mơ’no on bâ eăng, hnôu hngiú [a\ hía hé. Tâi tâng kơxo# liăn xúa on tơhrik tung pêi cheăng dêi ko\ng ti kố lối 1 rơtal liăn môi khế. Pôa Vũ Quốc Việt, Kăn pơkuâ [ơrô kih thua#t, Ko\ng ti reăng Dalat Hasfarm tối ăm ‘nâi, cho khu tê mơdró pêi cheăng xúa kơmăi kơmok rơxông nếo, kơmăi chiâng tôh xêh, tơpâ xêh, xúa hên kơmăi kam ư\ng, xua mê on tơhrik tung mâu hơnăm hdrối nah cho tơdroăng ki châi ko khât dêi ko\ng ti, laga nôkố on tơhrik hiăng tơniăn: Hdrối nah tơdroăng ki ôh tá bê on tơhrik, tơpâ đi đo, khu tê mơdró lup hên liăn ngân vâ roê têa châu vâ pơtôu kơmăi mơ’no on tơhrik. Laga achê pơla kố, ki rơhêng vâ tối hơnăm kố nah, tơdroăng tơpâ on tơhrik hiăng iâ. Drêng ai tơdroăng tơ’nhê on tơhrik mê, mê tơleăng re\ng,  mơ’no on tơhrik teăm tơdrêng. Ing mê, kơxo# liăn dêi khu tê mơdró mơ’no liăn roê têa châu vâ mơ’no on tơrik [a\ kơmăi tuh tuh kơdroh hên.

Túa pêt plâi dâu krúa le\m, tôh têa môi tiah inoâ a Đà Lạt

Achê mâu kơdrum pêt plâi tô-mat tum khêi xúa kơmăi kơmok tôh têa môi tiah inôa, tê [a\ yă sap 50 rơpâu troh 80 rơpâu liăn môi kilô, jâ Lê Thị Vũ, ngế pơkuâ kơdrum pêt kơchâi drêh, plâi pôm tung hngêi nhe#ng a pơlê kân Liên Nghĩa, tơring Đức Trọng tối ăm ‘nâi: xuân a tơnêi kố, hdrối nah pêi pêt tiô khôi hmâ vâi krâ nah, xua mê pêi lo liăn iâ, hên rơnó tro lup tâi, ôh tá ‘nâi pro ti lâi. Sap ing hâi mơjiâng hngêi hlâm, xúa kơmăi tôh têa môi tiah inôa [a\ kơd^ng têa, mơhé mơ’no liăn apoăng hên, laga hmiên tuăn, ôh tá tơdjâk ‘mêi xua kong prâi, lơ oâ hdrong, pơrea\ng kâ ‘nhiê. Xua mê, pêi lo liăn dêi rơpo\ng jâ tâk hên. Jâ Vũ tối: On tơhrik tơniăn kum kuăn pơlê pêi chiâk deăng. Lâp kơdrum kố, tâng ôh tá ai on tơhrik tơniăn, mê ôh tá chiâng vâ pêi chiâk deăng xúa kơmăi kơmok rơxông nếo. Tâng ôh tá ai on tơhrik mê loăng plâi tung hngêi nhe#ng kô ho\n, kô u\m tâi tâng. Kơnôm on tơhrik tơniăn, xua mê a nếo pêi cheăng xúa kơmăi kơmok rơxông nếo kố.

            {a\ tâi tâng [a\ng deăng lối 300 rơpâu hectar tơnêi pêi chiâk deăng, kong pơlê Lâm Đồng nôkố ai lối 55 rơpâu hectar kơchâi drêh, pêi lo châ 2 rơtuh 500 rơpâu ta#n rêm hơnăm, châ 11% kơchâi drêh lâp tơnêi têa. Lâm Đồng nôkố cho kong pơlê châ troh 45% kơxo# reăng ki hiăng pôe tơkâng lâp tơnêi têa, [a\ lối 2 rơtal 700 rơtuh xiâm tơkâng rea\ng môi hơnăm, tung mê ai 74% tê ke\n kong têa ê. Mâu tơdroăng mê hiăng mơnhên ki châ tơ-[rê dêi tơdroăng mơnhông mơdêk pêi chiâk deăng xúa kơmăi kơmok rơxông nếo dêi kong pơlê Lâm Đồng, ki rơhêng vâ tối cho tung rơnó tô mơdrăng khăng khoăng ó nôkố./.

            A Sa Ly tơplôu [ă tơbleăng