VOV4.Sêdang - Hâi hnah, lơ 23 khế 3, Tíu xiâm khăm pơlât hbrâ mơdât pơreăng kong pơlê Lâm Đồng tơku\m po hneăng hôp tối tơbleăng túa pơkâ pâk tơ’nôm pơkeăng vaccine lo xêi – rubella ăm mâu ngế ki sap ing 16 troh 17 hơnăm hơnăm 2016. Ki xiâm dêi tơdroăng kố châ lối 90% mâu ngế ki sap ing 16 troh 17 hơnăm tung lâp kong pơlê châ pâk pơkeăng vaccine lo xêi – rubella. Mâu ngế ki sap ing 16 troh 17 hơnăm kố, cho vâi hdrêng tung pơla hriâm lâm 11, lâm 12 râ má pái phôh tho\ng, hngêi trung hnê cheăng pêi, trung tâm yăo dục thường xuyên [ă mâu ngế ki ôh tá hriâm. Mâu ngế ki châ pâk 1 trum pơkeăng vaccine lo xêi – rubella tung rôh kố, ôh tá tối châ pâk hdrối mê hiăng châ pâk pơkeăng vaccine lo xêi, lơ vaccine lo xêi – rubella, lơ vaccine lo xêi – êi peâm – rubella, ôh tá xếo mâu ngế ki hiăng châ pâk tu\m túa vaccine kố tung pơla pá kpdâm 1 khế hdrối hâi ki thế pâk pơkeăng.

Katarina Nga tơplôu [ă tơbleăng