VOV4.Sêdang - Kơxê lơ 2/8, Khu kăn Đảng kong pơlê Lâm Đồng hiăng pơkâ tơdroăng mơdêk hbrâ mơdât pơreăng COVID-19 tung kong pơlê. Tung mê thế kuăn pơlê pôi ta lo pa gong ing hngêi, kơdroh to rơxế prôk lăm kơ’nâi 21h kơmăng troh a 5h kơxo ah, pakĭng ai tơdroăng kal môi tiah on chếo, pơlât tơdrêng mơngế ki châi tamo râ. Tơdroăng pơkâ mê pơxiâm xêt sap hâi lơ 4/8.

Kong pơlê Lâm Đồng pơkâ thế kuăn pơlê pôi tá lo prôk drô troăng kơ’nâi 21h kơmăng

Ƀă tơdroăng pơkâ “Hbrâ mơdât kơtăng, plâ kơtăng rĕng’’ cho vâ kâi mơdât ôh tá ăm pơreăng châ tâ tú, Tơdroăng pơkâ ối tối nhên, Khu pơkuâ ngăn Đảng kong pơlê thế mâu tíu pêi cheăng tung kong pơlê tơkŭm ivá, hâi ki pơkâ pêi pro tơdroăng hbrâ mơdât pơreăng, ăm mâu ngế cheăng hbrâ mơdât pơreăng prôk lăm. Pôi tá tơkôm, kơnôm, thế pôu râng dêi tơdroăng xôi tơná pro, tung kong pơlê, ngế ki lâi rak ngăn, ôh tá chiâng tơngôu ‘na mơdât pơreăng.

Tơdroăng pơkâ cho thế hbrâ mơdât pơreăng châ tơ-ƀrê, hlối tơniăn tung pêi cheăng kâ, tê mơdró, hlối tơniăn pêi chiâk tê mơdró vâ ai kế kâ hbrâ mơdât pơreăng hlối kum kuăn pơlê