VOV4.Sêdang - Dâng 1 chơ 30 kơxê hâi lơ 14 khế 4, a kơpong 3 hơlâ troăng Cống Sình ối tung thôn 3, cheăm Hòa Ninh, tơring Di Linh, kong pơlê Lâm Đồng, hiăng ai rôh trâm xía vâ xua tơklo#m rơxế pơla 2 toăng rơxế ki chơ tơmối pro 14 ngế ki to tung 2 rơxế mê tro rong ó athế mot pơlât a hngêi pơkeăng. A rôh ki mê, rơxế chơ tơmôi krâ kơxo# 49B – 00199 (rơxế ki ai 24 to tăng ‘nân) dêi hngêi rơxế Phương Hải xua Nguyễn Trung Ý, 26 hơnăm, ối a tơring Cat Tiên vê kơtâu ing troăng sap pơlê kong kơdrâm Đà Lạt ke#n pơlê kong kân Hồ Chí Minh, Drêng kơtâu troh a tíu ki tối a kơpêng hiăng tơkâ hluâ môi toăng rơxế chơ tơmôi ki ê hnối hdi troăng peăng pá ‘hvéo hnối klo#m a rơxế chơ tơmôi krâ kơxo# 49B – 00634 dêi hngêi rơxế Xuân Hùng ôh tá kơtâu môi troăng. Rôh ki tơklo#m kố pro lối 10 ngế to tung rơxế tro rong. Mê rơxế ki chơ tơmôi dêi hngêi rơxế Xuân Hùng hnối tro pơtôu klêa, peăng ko dêi rơxế tro tơ’nhiê ó pro 4 ngế tro rong. Ai tơdroăng tối tơbleăng ing hngêi pơkeăng II Lâm Đồng pơlê kong kơdrâm Bảo Lộc, kong pơlê Lâm Đồng ăm ‘nâi: nốkố ai 14 ngế tung rôh tơklo#m rơxế dế ối châ pơlât a Hngêi pơkeăng.

Katarina Nga tơplôu