VOV4.Sêdang -  Khu ngăn ‘na chiâk deăng [ă mơnhông mơdêk thôn pơlê [ă khu ngăn kuăn pơlê pêi pêt kơphế krá ton xo\n dêi kong pơlê Lâm Đồng nếo tơku\m po hneăng hôp ‘’Tơru\m cheăng to\ng kum kuăn pơlê mơdêk pêt kơphế krá ton xo\n’’. Lâm Đồng cho kong pơlê ki apoăng tung lâp tơnêi têa châ mơjiâng Khu mâu ki pêi pêt kơphế krá ton xo\n a hâi lơ 14/2/2014 nah. Troh nôkố, kơxo# mâu ki mê sap 94 ngế hiăng châ 113 ngế, rêm ngế ki pêi pêt kơphế ai pêi 3 ha kơphế châ xo 3 ta#n kloăng tung môi ha. Vâ mơdêk ki pơxúa dêi tơdroăng cheăng khu pêi pêt kơphế krá ton xo\n, hneăng hôp pơkâ mâu troăng hơlâ tơru\m cheăng tung la ngiâ, mê cho: Mâu khu pê klêi tơdroăng Tơru\m cheăng tiô túa nếo vâ hbrâ tơpui tơno [ă mâu khu mơdró, to\ng kum mâu ki pêi pêt kơphế châ pêi tơniăn le\m tiô pơkâ 4C, UTZ, Rainforest, Fair Trade; mơdêk ki pơxúa dêi kloăng kơphế hiăng uâ pơliê bro, tơru\m pêi mâu tơdroăng tơkêa bro, tăng mung liăn vâ pêi cheăng.

Gương tơplôu [ă tơbleăng