VOV4.Sêdang - Kơ koan xiâm pơkuâ troăng prôk 4.1 a pơlê kong kơdrâm Đà Lạt, kong pơlê Lâm Đồng nếo mơ’no lối 30 rơtal liăn rơnêu 24 km ối tung troăng kân kơxo# 27 tơkâ hluâ tơring Đơn Dương. Laga klêi kơ’nâi tơdế hơnăm prôk lăm, troăng ki kố hên tíu hiăng kơhlong kơhlăng, tơ’nhê hên tíu, pro chiâng nhôm ôh tá tơdrăng tung mơjiâng pro troăng.

Hên kơpong troăng nếo rơnêu hiăng tơ'nhê

Kơpong ki nếo rơnêu a troăng kân kơxo# 27 hơngế xo\n 24 km tơdjêp ing pái hơlâ troăng Phi Nôm troh a pơlê kân Dran, troh a tơring Đơn Dương, kong pơlê Lâm Đồng. Troăng kân kơxo# 27 kơpong tơkâ hluâ tơring Đơn Dương rêm hâi ai rơxế kơtâu hên, mâu troăng kố dế pro ôh tá tơniăn xua troăng đi đo tơ’nhê. Kuăn pơlê a pơlê kong kơdrâm mơnhên tối, Tây Nguyên troh a rơnó mêi kô ai mêi hên, rơnêu mâu troăng kân kố thế tơmiât i nhên hdrối. Tơdroăng ki tối khoh pro troăng chiâng re\ng tơ’nhê cho tá hâi châ tơleăng mơnhên.

A Sa Ly tơplôu [a\ tơbleăng