VOV4.Sêdang - Kơxê lơ 8/8, a Hà Nội, pôa Phạm Minh Chính, Ngế pro xiâm hnê ngăn tơnêi têa veăng leh tơbleăng tơdjêp tơdroăng tŏng kum hnê mơhno khăm, pơlât ing hơhngế (Teleheath) troh 100% hngêi pơkeăng râ tơring ƀă tơbleăng mơhno Tíu xiâm kơmăi kơmok hbrâ mơdât pơreăng COVID 19 tơnêi têa. Xông tơpui a roh leh, pôa Phạm Minh Chính pơkâ thế Khu xiâm pơkuâ ngăn pơkeăng ƀă khăm pơlât hnê mơhno môi tuăn, xing xoăng râ, pái râ pơtăm lâm. Tâng pơlât a hngêi nếo mê cho tơ’nôm râ ki a’nâi.

Pơreăng COVID 19 kố xông tâ tú rĕng ‘nâng , tơdroăng pêi pro tá hâi rơkê khât, xua mê rế pêi rế xo vế túa ki rơkê tơtro. Mâu Khu xiâm pơkuâ khoa hok ƀă Kơmăi kơmok, Khu xiâm pơkuâ tơdroăng kal tiô troăng rơ’jíu, um tơvi, um tiô troăng hyôh internet kêi đeăng kơmăi kơmok. Ki má lối cho kal châ hlo mâu tơdroăng tá hâi xúa kơmăi kơmok kố. Ngế pro xiâm hnê ngăn tơnêi têa kheăn kơdeăn ki pơxúa dêi tơdroăng kố, kum tung tơdroăng pêi cheăng xúa kơmăi kơmok. Pêi teăm tơdrêng tŏng kum pơlât ăm mâu ngế châi tamo, kum tíu pêi cheăng hlê plĕng tơ’nôm, loi tơngah, kơdroh lối hâ ho a mâu hngêi pơkeăng râ kơpêng.

A Sa Ly tơplôu ƀă tơbleăng