VOV4.Sêdang -Kơxo lơ 9/8, a Tíu pêi cheăng Kăn xiâm hnê ngăn tơnêi têa, pôa Thongloun Sisoulith, Kăn xiâm pơkuâ hnê ngăn Đảng, Kăn xiâm hnê ngăn kong têa Lếo ƀă kơdrâi pôa hiăng pơkuâ leh tơdah pôa Nguyễn Xuân Phúc, Kăn xiâm hnê ngăn tơnêi têa ƀă kơdrâi pôa ƀă tơdroăng tơdah ki kân má môi ăm Kăn xiâm tơnêi têa klăng roh Khu râ kăn Việt Nam lăm pôu pêi cheăng a kong têa Lếo.

Leh tơdah kân krip pôa Nguyễn Xuân Phúc, Kăn xiâm hnê ngăn tơnêi têa lăm pôu pêi cheăng a kong têa Lếo

Mơgêi leh tơdah, péa Kăn xiâm ai roh trâm mâ tơpui tơno ahdrối tơpui tơno. Klêi kơ’nâi tơpui tơno, péa kăn xiâm châ hlo leh kĭ tơkêa hên mơ-éa ki kal tung mâu kơvâ luât, hbrâ mơdât ma tŭi, ti tăng tŏng xo mơngế hliăng tiâ, kĭ tơkêa tơrŭm cheăng pơla mâu kong pơlê; kĭ tơkêa tơrŭm cheăng pơla mâu khu tê mơdró péa tơnêi têa tung kơvâ on tơhrik, tơmeăm khoăng tung kơdâm tơnêi.

Tung roh lăm pôu pêi cheăng kố, pôa Nguyễn Xuân Phúc xuân trâm mâ ƀă Ngế pro xiâm hnê ngăn kong têa Lếo; Kăn xiâm hnê ngăn Kuô̆k hô̆i kong têa Lếo; ai mâu roh trâm mâ mâu kăn pơkuâ Đảng, Tơnêi têa Lếo.

A Sa Ly tơplôu ƀă tơbleăng