VOV4.Sêdang - Hiăng 32 hơnăm, pơla hên mâu vâi pú tô tuăn hâi tăng hlo troăng vâ prôk ăm tơná, mê ngoh Lơ Mu My Zêll, mơngế K’ho ối a thôn 3, cheăm Dă Sar, tơring Lạc Dương, kong pơlê Lâm Đồng hiăng cho ngế pêi cheăng kâ rơkê, mơjiâng klêi túa pêt kơchâi tơru\m [ă pêt kơphế krá ton xo\n. Tơdroăng ki [lêi trâng [ă ngế rơtăm kố, ngoh hiăng khên tơnôu xúa khoa hok kih thua#t tung pêi chiâk deăng hơ’lêh hdrê pêt. Hâi apoăng rơnó hơngui, pin rơtế hmâ [ă ngế rơtăm ki pêi cheăng kâ rơkê ing tơdroăng hơ’muăn tối kô ‘nâi kố.

Pêi cheăng kâ bú ai 4 sao tơnêi, pá kân má môi sap ing hâi apoăng pơxiâm pêi cheăng, ngoh Lơ Mu My Zêll trâm pá má môi cho tơdroăng ôh tá ai liăn ngân vâ pêi kâ [ă kih thua#t pêi chiâk deăng [ă mâu túa pêi pêt, rak ngăn loăng kơphế, kơchâi plâi, reăng [ă hên kế tơmeăm ki ê.

Veăng hôp tơpui tơno, ngoh châ rah xo lăm hriâm a lâm hnê túa rak ngăn kơphế tơniăn ton xo\n a pơlê kong kơdrâm Đà Lạt, kong pơlê Lâm Đồng, ing mê, hiăng hlê iâ túa rak ngăn kơphế, ngoh hiăng khên tí tăng ‘nâi ple\ng tơ’nôm túa rak ngăn kơphế ing ngăn hriâm [ối internet, ngăn tivi, pơchuât hlá tơbeăng ‘na túa rak ngăn loăng plâi pêt. Kơ’nâi mâu tơdroăng kơdôu mơ-eăm mơnúa pêi, tung 3 hơnăm apoăng, sap ing 4 sao tơnêi apoăng pêi, ngoh hiăng châ xo 3 ha pêt kơphế, 4 hơnăm kơ’nâi mê hiăng ai liăn tơkâ, [ă ing mê ai liăn pêi lo tơniăn ing kơphế, [ă 3 ha châ xo 15 ta#n kloăng kơphế, châ xo hên cho tơdroăng ki púi vâ dêi hên rơpo\ng ki pêt kơphế. Ngoh Lơ Mu My Zêll tối tiah kố: Sap ing hâi ki nếo xo on veăng rơpo\ng a trâm hên xơpá, malối ‘na liăn ‘no liăn cheăng. Apoăng ai 4 sao tơnêi, kơnôm ing tơnêi pêt kơphế kố á hiăng mơ-eăm răk ngăn, rơvât phon [ă kơd^ng tung péa pái hơnăm, á hiăng rôe lối 1 ha tơnêi nếo vâ pêt kơphế. Ing lối 3 ha tơnêi kố hiăng châ xo tơ’mot liăn tơniăn, ai liăn rôe rơxế, rôe tu\m tơmeăm tung rơpo\ng hngêi.

Tiô ngoh My Zêll tối, kih thua#t rak ngăn cho ki xiâm pơkâ plâi kơphế le\m lơ ôh. Ngoh kơhnâ hriâm túa hnêi tah tơkâng, pro ăm ai tơkâng ki le\m, rôh ki po klôh tâ tá xiâm, vâ tôh têa, cho rôh ki rơvât phon, kơxo# ki phon rơvât tung mâu rôh rơvât phon ăm loăng kơphế. Ngoh xuân ôh tá kơtôa, hnê ăm mâu rơpo\ng kuăn pơlê tung cheăm ‘nâi túa rak ngăn kơphế tơniăn ton: Klêi hiăng ai túa rak ngăn rơvât phon ăm loăng kơphế, á hiăng hnê kih thua#t rak ngăn kơphế ăm vâi krâ nho\ng o tung cheăm, vâ vâi krâ nho\ng o ‘nâi túa hnêi tơkâng, rơvât phon pơla hâi khế rơvât phon môi tiah lâi ăm tơtro tung apoăng rơnó mêi, pơla rơnó mêi, [ă mơ’nui rơnó mêi.

Ngoh My Zêll ối ‘no liăn pêt kơchâi. Xuân pơxiâm pêt ing mâu hdrê loăng, kơchâi ki tơ’lêi pêt, môi tiah sup lơ, klêi mê mâu hdrê kơchâi reăng ki pá vâ [ă tơnêi akố môi tiah hơpê bó xôi, hơpê thảo, hơlât tu\m túa. Troh nôkố tâi tâng kơxo# liăn châ xo ing rơpo\ng hngêi ngoh My Zêll châ lối 500 rơtuh liăn môi hơnăm: Á xuân hơ’lêh dâng 2 sao tơnêi kơphế pêt kôchâi, xua pêt kơchâi kô tơ’lêi hlâu hên tâ. Kơ’nâi mê, kô po rơdâ tơ’nôm dâng 4 sao tơnêi nếo vâ pêt kơchâi [ă rêm ngế kô pro ti lâi vâ pêi túa mơnhông mơdêk cheăng kâ mê châ hơ’lêh hên tơdroăng rêh ối cheăng kâ.

Ngoh ối cho ngế hâk vâ tung veăng hriâm lâm hnê tơdroăng cheăng dêi khu droh rơtăm, tơku\m po khu droh rơtăm lăm tăng cheăng nếo, veăng mơgrúa hyôh kong prâi, môi tiah kum dêi pó hâi pêi cheăng, mâu tơdroăng  mơhnhôk hriâm ivá, mơhnhôk mâu rơtăm lăm bro mố đo#i hơnăm 2015.

Tiô nâ Liêng Jrang Di Gân-Kăn hnê ngăn Đoân cheăm Dă Sar, tơring Lạc Dương, kong pơlê Lâm Đồng, mê ngoh Lơ Mu My Zêll cho môi ngế ki djâ troăng le\m vâ mâu đoân viên tung cheăm hriâm [ă mơ-eăm tâ nếo: Ngoh My Zêll cho môi ngế đoân viên pêi cheăng kơhnâ rơkê cho môi ngế djâ troăng le\m ahdrối dêi cheăm ‘na mơnhông mơdêk cheăng kâ. Tu\m tơdroăng cheăng dêi Đoân tơku\m po xuân ai ngoh veăng pêi, hnối mơhnhôk tơ’nôm mâu đoân viên ki ê veăng pêi tơdroăng cheăng Đoân. My Zêll cho ngế châ mâu đoân viên, droh rơtăm tung cheăm kơde\n khe#n [ă tối cho tơxâng hriâm [ối tơdroăng ki khên tơnôu hơ’lêh hdrê pêt [ă xúa khoa hok kih thuâ#t tung pêi chiâk deăng, kơnôm ing mê, rơpo\ng ngoh hiăng hlu\n ing kơtiê hơ’lêh tơdroăng rêh ối’’.

Tơdah tết [ă hên tơdroăng vâ pêi pro tung hơnăm nếo, ngoh Lơ Mu My Zêll tối tơdroăng tơná púi vâ dêi rơpo\ng hngêi [ă pơlê: Hơnăm 2016 hiăng troh rơkâu pó vâi krâ nho\ng o môi hơnăm nếo kâ têt hơniâp ro, pêi cheăng rế tơ-[rê, rêm ngế xuân tơniăn ‘na cheăng kâ ai tơdroăng rêh ối hơniâp ro. Tơdroăng rêh ối dêi rêm rơpo\ng hngêi xuân hiăng hơ’lêh nếo, pêi kơphế xuân châ xo hên. Klêi kâ tết, vâi krâ nho\ng o tung pơlê pơtối pêi chiâk pêi klâng môi tiah rak ngăn kơphế, tróu tơkâng, po văng nhâ, hbrâ rơnó cheăng tung hơnăm 2016, púi vâ hơnăm nếo kong mêi tro, tô ‘ló, loăng plâi xông mo dâi châ xo hên kế tơmeăm pêi lo.

Gương tơplôu [ă tơbleăng