VOV4.Sêdang - Khu xiâm ngăn loăng pơlái, ối tung Khu xiâm ngăn chiâk deăng [ă mơnhông rêh ối thôn pơlê tối tơbleăng, tung khế 3, ki kơnía dêi tơdroăng tê loăng loăng tiô riân châ 992 rơtuh dollars, mơdêk ăm kơxo# liăn pêi ing tê tơmeăm ngi kong têa ê 3 khế apoăng hơnăm tâk va chê 1,4 rơtal dollars, tâk 18% tâng vâ pơchông [ă khế kố hơnăm 2018 [ă tâk hên má môi tung khu mâu kế tơmeăm ki tê ngi kong têa lối 1 rơtal dollars dêi Việt Nam.

Kố xuân cho hneăng ki hlo ai tơdroăng ki mơdêk hên má môi tung 5 hơnăm vêh ngi kố. Kong têa ki tê loăng nôkố ki hên xuân cho 5 to kong têa ki tiah hmâ: Mih, Nhuk, EU, Sinuâ [ă Hàn Quốc. Hlo mâu tơdroăng ki hiăng ai hlâu kố dêi kế tơmeăm loăng Việt Nam, Ngế pro xiâm hnê ngăn Chin phuh hiăng pơkâ tơdroăng kơxo# 08 ‘na mâu hnoăng cheăng, troăng hơlâ mơdêk re\ng [ă krá tơniăn kơvâ kơmăi kơmok uâ mơdiê loăng [ă kế tơmeăm ki kum ăm tơdroăng ki tê ngi kong têa.

Pơkâ mơ’no mâu tơdroăng mơdêk pêi lo liăn ing tê tơmeăm loăng tê ngi kong têa ê hơnăm 2019 châ 11 rơtal dollars, hơnăm 2020 châ 12 – 13 rơtal dollars, hơnăm 2025 châ 18 – 20 rơtal dollars.

Katarina Nga tơplôu tơbleăng