VOV4.Sêdang - Klêi séa ngăn nếo achê pơla kố dêi Khu ngăn ‘na hdrê loăng plâi kong pơlê Lâm Đồng ăm ‘nâi, nôkố ai dâng 10 túa oâ hdrong kô ka ’nhiê loăng mak-ka ki pêt tung kong pơlê. Túa oâ hdrong kâ ‘nhiê kố hmâ pro chiâng 4 túa pơreăng kâ ‘nhiê tung kơdrum loăng mak-ka, mê cho: pro loăng lo chhá, pơreăng pro ai xâk, răng rơmôe [ă chếo hlá. Nôkố hâi teăm ai túa pơkeăng ki xêt khât vâ xôh a loăng mak-ka, mê Khu ngăn ‘na hdrê loăng plâi Lâm Đồng hnê tối kuăn pơlê pêi pro mâu túa ‘na sinh hok. Thế đi đo po văng tah nhâ ki êa rơtôh a kơdrum; tríu tơkâng, hnêi hveăng ăm tơkâng gá bâ phuâng, ko tah mâu tơkâng ki nếo tro pơreăng kâ ‘nhiê. Malối pôi tá xúa mâu pơkeăng hoă hok ki ai trếo têi vâ rak vế mâu kuăn kiâ ki kâ ôa hdrong a kơdrum loăng mak-ka, môi tiah: trôi, oăng, jâ pơchâu, chêm, tâng tá kôa [ă hên kuăn kiâ ki ê.

Gương tơplôu