VOV4.Sêdang - Hâi lơ 6 ƀă lơ 7/8 tơkŭm po roh 2 dêi Hneăng tơ’noăng mơgêi râ má pái phôh thong hơnăm 2021. Kố cho mâu ngế hok tro tá hâi veăng tơ’noăng lơ xua tá hâi pro ƀai tơ’noăng roh má 1 xua tơdjâk pơreăng COVID 19. Hâi kố, lơ 6/8, mâu hok tro pro ƀai môn Ngưh Văn tung peăng kơxo ƀă ƀai tơ’noăng môn Toăn a peăng kơxê. Kơxo lơ 7/8, peăng kơxo, mâu hok tro pro ƀai tơ’noăng môn kong têa ê. Roh má 2 Hneăng tơ’noăng mơgêi râ má pái ai tâi tâng 13 Khu ngăn tơ’noăng, ƀă 49 Tíu tơ’noăng ƀă 683 Kơbong tơ’noăng.

Tiô mơnhên tơdjuôm, troh nôkố, a tâi tâng mâu tíu tơ’noăng, mâu troăng hbrâ mơdât pơreăng COVID 19 hiăng châ mâu kong pơlê hbrâ rơnáu tŭm tơniăn.

A Sa Ly tơplôu ƀă tơbleăng